Ms.traveller
ما أعتقد تغير شيء كبير ، ولما زرتها هذه السنة ما فيها إلا المحلات العادية ولا توجد المراكز التخصصية ..
وما تستحق تسافر من أجل تتسوق فيها .

صراحه انا لسه راجعه امس من سريلانكا اودل مافيها اي شي للنساء كلها وملابس مو قد كدا
لكن الاطفال شي رائع ورخيص هذا بالنسبه لاودل
عندك سوق اسمه بفرلي ستريت هذا ماتلاقي شي للنساء كلها اشياء عاديه اما الاطفال وبناطيل الرجال رائعه وقدام المحل دا فيه 3 محلات متنوعه اطفال ونسا ورجال بالنسبه لبنتي وزوجي قضيتلهم لبس حلو منه
طبعا زعلت مالقيت لنفسي ولحسن حظي ماشيين لقينا (((((((مونداي سنتر )))))))نسائي فقط رائع بالنسب للاسعار متوسطه الكذب خيبه بس اشياء جدا حلوه واسعارها انا اشوفها كويسه بالنسبه لاسواقنا
ترى على فكرا اذا قلتوا للسواق ودينا على مونداي سنتر حيقلك مافي وادل احسن ومن الكلام دا طبعا طنشه واصر انك تروح اوتروحي وبتلاقوه في شارع كلومبو3
وعندكم كمان مركز يتكون من 3 ادوار اسمه روما فور بلامانه فيه الغالي وفيه الرخيص جدا
وفيه عندك هاوس اوف فاشن طبعا جدا رخيص بس انا اقضي منه اشياء البيت والمشاوير يعني مو الشي اللي هو حق خرجات لكن السنه هذي لقي زوجي بناطيل جنز محترمه ورائعه وقمصان رجاليه مرا كويسه ((وللاطفال لقيت الجينزات على 315روبيه ناسيه بالريال كم بس كثرت منها لانه في بلدنا مافي بالرخص دا))
وعندكم سوق اسمه فاشن باق بصراحه مادخلته عشان الوقت لكن من شكله زي هاوس اوف فاشن
وعندكم كمان ماجستك مول بس طبعا اسواقهم اقل من العاديه بس اللي يدور يلاقي شي محترم اناقضيت من هناك اكسسوارات كتيره لانها رخيصه جدا

جزاك الله خير اختي لانا
يعطيك العافيه ^^