ايذا الشخص خارج قطر يتجه للسفاره على طول وماراح يقصرون وياه ويخلصونه بسرعه
اما ايذا انت تسأل عن داخل قطر فا الاجراءات حالين اسرع مما تتخيل كلشي يتم في يوم واحد
وهاذا موقع وزاره الداخليه وممكن تتركلهم استفسارك بخصوص طلبك
وزاره الداخلية http://www.moi.gov.qa/site/Arabic/index.html

مشكور اخوي علي تجاوبك
السفاره مثل ماقلت مايقصرون لكن مثل البطاقه الشخصيه مش عارف يقدرون يجددونها او لا
سؤال يمكن مانتبهت له اخوي هل هناك اماكن للتجديد في الدوحه غير المركز الرئيسي يعني في المجمعات او اماكن محدده
مع الشكر لك مره اخرى والله يجزاك وجميع الاخوان والاخوات كل خير

مرحبا
حياك الله اخي الكريم
بالنسبة لتجديد البطاقة الشخصية
فالأجراءات تأخذ منك دقائق معدودة فقط
لأنه يتطلب حضور صاحب البطاقة شخصياً الى مبنى الجوازات
سواءً كان بالرئيسية أو بمنطقة مسيمير أو المراكز الأخرى
لأنه لابد من ان يتم اخذ صورة شخصية لصاحب البطاقة بالمبنى نفسة
وهناك أفرع بالنسبة لتقديم الطلب بمجمع فيلاجيو التجاري والسيتي سنتر
ولكن يتم تسجيل الطلب لديهم والتصوير وبعدها يذهب ثاني يوم لأستلامها من المبنى الرئيسي
والافضل عند حضور الشخص التوجه الى المبنى الرئيسي أو فرع مسيمير
وأن شاء الله يتم تجديد البطاقة + الجواز بمدة نصف ساعة
فالك طيب

بنسبة للجواز فهو في نفس اليوم
تكون قبلها معبي الطلب ودافع مبلغ الريوم ولا تسالني كم لاني ناسي بس يتراوح يعني هو من مضاعفات ال 50 او 100 او 150 او حدهم اذا كثر 200 مو متاكد من السعر بظبط ولاتنسى صور شخصيه لك وماتكون الصوره جانبية
ويخلصونك نفس اليوم انا اتذكر جددت جوازي في 2005 وقلت لبابظط اني مستعيل علشان ادخل الجواز السفارة الامانية وماقصر عطاني الوصل وقال ارجع الساعه 12 وانا عطيته على الساعه 9 او 10 بعد ماذكر وانهم يخلصونك بنفس اليوم وبنسبة للبطاقة الشخصية ماعندي خبر عنها بس اتوقع نفس الشي وكلها بيومها اتخلص واتخلص في المبنى الرئيسي للجوازات الي عند دوار سوق العلي
اتمنى اكون ساعتك ولو بلقليل وتحياتي

الراايق
اخوي الرايق الله يجزاك خير وضحت لنا بعض الشغلات خصوصا سالفة التصوير في المبني والفرق بين المبني الرئيسي
لاخلا ولاعدم

بنت الدوحه ~
صحيح كلامك والشي هذا علي هل قطر مايستغرب اختي جزيتم خيرا

حلو ومدلع
اخوي حلو ومدلع
ماقصرت اخوي معلومات مفيده خصوصا انك ذكرت تجربتك الشخصيه وانهم الجماعه ساعدوك وخلصوا الجواز بنفس اليوم وان شاء الله البطاقه تخلص وياه في نفس اليوم
وذكرتني بسوق العلي لاني من زمان عنه
خالص الشكر لك اخوي ولاخلا ولاعدم

مركز خدمات مسيمير
معذره عن السؤال بس وين مكانه اي صوب ؟
حد يوصفه لي وهل فيه زحمه ولا لا ؟ لاني في موقع الوزاره لقيت نفس الخدمات الي في الرئيسي موجوده فيه خصوصا سالفه تجديد البطاقه والجواز .... لكن اذا فيها روح وتعال مالنا غير الرئيسي ومشكورين مقدما تعبناكم ويانا