هلا ديما
انا حجزت عن طريق booking و مجموع الفنادق 4 اللي حجزتها
اللي في فيينا ارسل لي بدون ما ارسله لأني كتبت اشياء ابغاها و ردو علي
برضو فندق في ميونخ ارسللي التأكيد في ملف صيغة pdf يعني سوو التأكيد و ارسلوه لي
و باقي اوتيلين ابرسل لهم قريب ان شاء الله
الزبده ان ما ارسلت لهم...و هم اللي ارسلو...
يعني انا مؤكد حجزي في اوتيلين و اوتيلين مهوب مؤكد لأني ما ارسلت
عموما ارسلي ثاني مرره و رصي عليهم بهالايميلاتو اذا ما ردو ارفعي السماعه عليهم
و اذا عندهم موقع عالنت ادخلي عليه و ارسلي لهم ال booking number
و شوفي ...
حبيت افيدك
Syriana

أنا حجزت اليوم عن طريق booking أراسل الفندق على طول وألا أنتطر لما يوصلني تأكيد حجز من booking مع العلم أن اليوم وصلني منهم ايميل فيه معلومات الحجز ولأني أول مره أحجز عن طريق الأنترنت ما أدري شنو الخطوه التاليه,فيه سؤال ثاني اذا تكرمتم الفندق اللي حجزت فيه في موقع الفندق ما فيه حجز fullبس عند موقع booking فيه غرف !! هذا الوضع عادي وألا يوهقونا قبل السفر بكم يوم ويقولون نأسف مافيه حجز.
آسف على المداخله الطويله وشكرا مقدما.

يحاجون وقت للرد وجطي في بالك اجازة نهاية الأسبوع
انا حجزت 4 فنادق 3 ردوا والرابع لا

انا حجزت عن طريق بوكينغ وارسلولي رقم الحجز والكود وفيه كل بياناتي واتصلنا عليهم وقالو ان الحجز مؤكد ..

مشكورين جميعا
انا دقيت عليهم و طلع موجود حجزنا الحمدلله

kwti
Dear .....................,
Thank you for your reservation made through booking.com.
We hereby confirm the following booking.
Booking number: ............. Pincode: ****
الى اخر الايميل
اعتقد اذا طلعلك كذا فيكون انت اكدت الحجز لان هذا اخر ايميل وصلني منهم قبل اتصل واتاكد منهم
بس الافضل تتصل وتعطيهم اسمك ورقم الحجز وتشوف لو اسمك موجود عندهم
وافضل انك تطبع هالايميل في حال صادفتك اشكاليات فيكون موجود عندك
ودمت بصحه وعافيه

مشكوره أختي على الرد
وصلني هذا الأيميل بعد ماحجزت بتقريبا نص ساعه.
يس في واحد من الأخوان الأعضاء يقول في موضوعه(بالصوره طريقة حجز الفنادق من booking)أن قبل ثلاث أيام من موعد الحجز تصل اليك رساله من الحجز المركزي للفنادق في الدوله اللي أنت حاجز فيها يخبرك فيها أن حجزك أوكي أو طلبك غير متوفر أو أن رقم البطاقه غير صحيح.
معنى هالكلام أن الأيميل اللي وصلنا هذا مبدئي وأن فيه رساله من الحجز المركزي تؤكد الحجز أو تبلغنا أن الطلب غير متوفر وهنا المصيبه الله لايجيب مصايب.
أرجو التعقيب من أصحاب الخبره
وشكرا,,

السلام عليكم
بغيت اسأل الاخوان اللي احجزوا عن طريق موقع booking اخذوا منكم رسوم زيادة غير عن سعر الفندق ولا لا؟؟
لاني حجزت عن طريق موقع yeego اخذوا علي رسوم اضافية

اخوى kwti ياليت تحط لنا الموضوع الى فيه طريقه الحجز عن موقع بوكت بالصور لانى دورت عليه مالقيته
اتمنى تجيبه لنا نستفاد منه ضروري اخوي
مشكور