للاسف ما ادله يا كابرون .........بس انت روح عمارة مكاتب السفريات وروح مكتب القبس وسوي عندهم الشنغين ......بس ياخذون الجواز وصورة واحدة بس .......ويعطونك اياهم بعد 10 ايام خالصه ......

برج البابطين يم مسشفى الاميري مجابل سوق شرق وشؤون القصر ..
اذا انت رايح قصر دسمان وايك الدوار تاخذه يسار جنك رايح هوليدي ان داون تاون راح ايك دوار الشؤون القصر تلقى البرج على اليمين بالويه مجابل التسهيلات ..

خالص الشكر لاختي توبليرون ومشرفتنا كويتية متنقلة لا خلا ولا عدم منكم

واخيرا رحت برج البابطين وحصلت مكتب القبس ومكتب تأشيرات السفارة الالمانية بالميزانيين 3

يعني رميت عصفورين بحجر واحد ..........
الحين انا بسألك شنو طلباتهم .......سهاله ان شاءالله

هلا والله اختي توبليرون الدعوة سهالة في سهالة حجز وهمي او حجز اكيد للفنادق وتامين السفر العائلي وتعبئة الابلكيشن وصورة شخصية 4 في 6 خلفية بيضاء والجوازات وتروحين لشركة القبس ياخذون الاوراق منك وياخذون على كل جواز 5 دنانير لياخذون موعد مع السفارة الالمانية والموعد ما يطول عن اسبوع والمقابلة بالسفارة ينوب عن العائلة الزوج يعني ما يحتاج مجئ الزوجة والابناء وسلامتج وتعيشين