بسم لله الرحمن الرحيم
اول شي بالتوفيق والله يعينك يا اخيي على رح وتعال هات وخذ
ثاني شي الافضل والي انا انصحك فيه ان كل شخص معك يصير له جواز مستقل حتى لو عنده بزر عمره يوم يعني توه مولود طلع له جواز بلحاله على شان تفك راسك من الغثى
بخصوص الفيزاء يا طول العمر تحط كل الي معك في نفس الموعد لانك تحط اسمك انت ورقم الجواز وتاريخ الميلاد وتحط اسم ابوك وامك الله يطول في اعمارهم ووالدينا على الصحة والعافية وتواريخ ميلادهم وارقام جوازتهم ونفس الشي البنات وبرضو كل واحد منكم له نموذج مستقل ولا تنسى ان مل واحد منكم يصور صورة 5 في 5 خلفية بيضاء وتسوي لهن سكان لانك تبي ترفع صورة كل واحد على النموذج حقه وطبعا كل واحد يبي لك تسديد قيمة الفيزاء في بنك سامبا ب 532 ريال يعني انتم 6 تبي تطلع 3192ريال وتاذخ الايصالات الاصل وتصورهن وتصور الجوازات الوجه الاول طبعا الواضح انكم تبي تروحون سياحة مهوب دراسة فمعناها مهوب صايرن معكم i-20 انسه وبس
توضيح اذا معك احد عمره 80 سنة او اكثر او عمره 13 او اصغر ما يحتاج يروح معكم بس خذو اوراقه
بالتوفيق

جزآك الله خير .. أخي الكريم
شكرا جزيلا .. عالتوضيح..
الله يوفقك إن شاء الله .. مشكور ومآقصرت ..
والسلام عليكم ورحمة الله وبركاته

السلام عليكم
لا شكر على واجب نعين ونعاون ما فينا خير اذا ما عاونا
بالتوفيق يا اخيي