اهل الخبرة وين ردودكم

هلا والله اختي عابرة سبيل
بالنسبه لزيلامسي في عندج فندق جراند اللي مجابل البحيره
المبنى الجديم مالهم 700 درهم او 800 ما اذكر بالضبط ومبناهم اليديد
فوق الالف درهم
وفي عندج فندق لاتيني مرتب وحلو ب 650 درهم بس عيبه بعيد عن البحيره
اذا كان عندك سياره ما يخالف وبجنبه بعد مطعم انطونيو الاسلامي
سالسبورغ سكنا بفندق ريساينس غرفه وايد واسعه وحلوه وهو ايي بعد ما تطلعي من محطة
القطار امشي شوي لجدام عند الشارع بيي على ايدج اليمين بالضبط وقيمته كانت ب 600 درهم وشوي
أما ميونخ بعدني ما زرته ان شاء الله الايام يايه
والخوان هنيه ابد ما يقصرون بيساعدونج
ولك تحياتي

شكرا على ردك يالاسطورة
بس سمعت ان فندق جراند فيه فئران هالكلام صحيح اولا؟
وننتظر ردود باقي الاعضاءو اهم شئ عندي بالفندق يكون فيه مكيف
شكرا للجميع

اختي الفنادق اللي بزيلامسي ما شي فيها مكيف كلها تقريباً
لان جوهم حلو وبارد ما يحتايون مكيف اما عن الفئران ما ادري صراحه
انا في من اهلي سكنو بجراند وقالوا نظيف وحلو لكن انا سكنت بلاتيني
تحياتي

شكرا على مرورك يالاسطورة

للأسف (وجود الفئران بفندق جراند حقيقة) لم أصدقها إلى أن قام أحد الأخوة بتصويره..لكن هذه مشكلة متوقعة في مكان فيه خضرة و ماء (الطبيعة الريفية) ..و في السي فيلا مثلا كنا نعاني من العناكب الضخمة..

سيدتي الفاضله
السلام عليكم ورحمة الله وبركاته
أنا أنصحك بالسكن في لاتيني هوتيل للأسباب الآتية :
1- الطبيعة الخلابه المحيطه بالفندق
2- منطقته الهادئه
3- قلة العرب والخليجيين فيه
4- قرب المطعم الهندي منه
5- فخامته
6- مستواه 4 نجوم
7- تبلغ ثمن الليلة للغرفه 65 يورو بدون الفطور - أما مع وجبة الفطور فتبلغ 105 يورو حسب تسعيرة الفندق - أما اذا عملتي الحجز من المكاتب السياحية وهي الأفضل فيزيد السعر تقريبا إلى 140 يورو مع الفطور .
وأرجو عدم اختيار فندق قراند هوتيل وسي هوتيل للأسباب الآتيه :
1- قربه من الازدحام
2- كثرة البعوض على البحيرة
3- كثرة الخليجين فيه :112:
وأنصحك باستأجار سائق خاص لكل مشوار على حده
ونهنئك لإختيارك زيلامسي المدينة الأجمل في العالم :
1- ترفيهياً
2- طبيعة خلابه
3- أنهار جاريه
4- شلالات رائعة
5- الجو الحلو
6- التعامل الطيب من ساكنيه
7- وأشياء كثيرة جميله تحتاج الى شرح
شكرا وبالتوفيق

ابي عامر
موانا
شكرا على مروركم

وانا انشا الله مخطط زيك وبعد البحث خلال المنتدى الغالي واعضائه الكرام وخبرائه الخبيرين
توصلت للتالي وبصراحة نسخت من التقارير:
ولسة بشيك الاسعار ؟
Zelamcy :

• نيو بوست او لاتيني هوتيل الافضل
• Grand
• C villa

وعموما زلامسي كل شي فيها قريب

• Bellevue am see في زلامسي موقعه الطرف الثاني من البحيرة وجدا يمدحونه ب 45 يورو

الرابط:
فيننا: لسة ما بحثت بس بيفيدونك الاعضاء الغاليين
وخلينا نتواصل لانه لسة خطتي على نص يونيو
بس محتار في عدد الايام عندي 12 يوم وشكلي بوزعهم 4 لكل مدينة.
واتمنى من الاعضاء الرد...