leo218
21-02-2022 - 08:39 pm
السلام عليكم مره ثانيه
انا سألت عن الضرايب والاجابات ما كانت كافيه بالنسبه لي واللي موجوده بالمنتدى
حبيت اسأل .. هل الضراي تكون من ضمن السعر المعلن على المنتج ؟؟ وهل لازم احتفظ بكل الفواتير لكل شي اشتريه؟؟ ومعقوله ان بالمطار يفتشون ويقارنون الفواتير بالمشتريات ؟
وشلون اذا ضاعت الفاتوره؟؟
هل لازم اطلب من المحل الفاتوره للتاكس ؟؟
ابي شرح واضح الله يخليكم
وشكرا
يا طويلة العمر بالنسبة للتاكس فري
في المحلات والاسواق
تجدين على الكاشير او يعني على ستاند معين ملصق توضيحي يقول لك ( هنا التاكس فري )
او يعني ان المحل هذا يوجد فيه التاكس فري . .
لما مثلا تشترين منهم طال عمرج شنطة ب 1000 يورو مثلا ً . . .
تدفعين ال 1000 . . . وتطلبين من البياع والبياعة ،، ورقة التاكس فري . .
هم بيفهمون عليك طوالي ما يبيلها شي ،، واطلبي منها تعبيها لك ان امكن . .
وبس . . تحتفظين بالفاتورة والورقة مالت التاكس فري اليي خذتيها دبسيهم مع بعض ،،
ولما تروحين المطار الله يسلمج
تشوفين كاونترات لو سألتي عنها بتلقينها
مكتوب عليها من فوق Tax Free
تكونين ماخذه الفواتير معاك واورواق التاكس فري
ويعطونك فلوسك المسترجعه ( حوالي ان ماخانتني الذاكره 16 % ) من مشترياتك
يعني لو شاريه ب 1000 يورو . . . يرجعون لك : 160 يورو . .
وبالنسبة اختي الله يسلمك لعملية مطابقة البضاعة مع الفاتورة
تحصل اختي وقد حصلت لي في المانيا سنة 1999 او 2000
وفي المطار
حيث كانت المشتريات حوالي شنطتين كبار الحجم جدا طبعا كلها نسائيه
المهم موظفي الجمارك جلسو يسألون عن كل قطعه وفاتورتها :
مثلا فاتورة تبين بنطلون اسود ،، وين البنطلون المشترى طلعيه من الشنطه ؟
وهكذا . . .
استمرو معنا ل ثلاث قطع تقريباولما تبين لهم ان المشتريات كلها شنطتين وليست قطع يأسوا
وقالو تفضلوا تفضلوا امشو
ههه
يعني بالعربي سهالات ان شاءالله ولا تحاتين شي
صدقيني يا اختي هناك كل شي سهل وبيتوضح لك بكل راحة
الله يوفقج تحياتي لج