امريكا US المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
أبو عزوز وسارا
29-10-2022 - 10:13 am
*** معليش الخط كان صغير مره ***
السلام عليكم ورحمة الله وبركاته
مساء الخير عليكم جميعا
عندي سؤال بخصوص السيفيس
انا دفعت رسوم السيفيس عن طريق مكتب لان ما معي كرديت كارد
والمكتب حط عنوان وصندوق البريد حق مكتبهم
السؤال:
1- هل فيه مشكلة لان حطيت عنوان ماهو عنواني؟؟؟
2- انا اخذت صفحة وحده وقالي هذي هي السيفيس ... هل فيه شي اضافي او انهم يرسلون شي على عنوان المكتب؟؟؟
اخيررا
اشكركم جميعا
ووفقكم الله لخيريي الدنيا والاخرة


التعليقات (8)
Impact
Impact
عزيزي
الورقبة الي اعطوك اياها اثبات حقك بانك دفعت السيفيز
لاكن الورقة بتوصل على بريدهم خلال كم يوم !!
لازم تاخذها منهم
ما حب التعامل مع المكاتب
بالتوفيق

أبو عزوز وسارا
أبو عزوز وسارا
الله يعطيك العافية اخوي امباكت
انا رحت للمكتب قبل اكتب السؤال في المنتدى وقالي خلاص بس الورقة هذي تكفي
قلت ابغى اتاكد من المنتدى
ويوم رديت علي اخوي امباكت رجعت واتصلت عليهم يقول هذي تتاخر ماتجي الا بعد شهر
هل هي ضرورية في السفارة؟؟؟؟

Impact
Impact
علشان كذا ما احب تعامل ولا ان احد يتعامل مع المكاتب
الورقة الاصل هي الي السفارة تطلبها !!
وهذي تجي في حوالي 3 ايام بالكثير اسبوع على حسب طلبك ليها
فيه رسوم تدفع زيادة وتوصلك خلال 3 ايام ,,
انتبه وروح لهم واتفاهم معهم ,,
اتمنى لك التوفيق

أبو عزوز وسارا
أبو عزوز وسارا
جزاك الله خير اخوي امباكت على ردودك
اليوم الصباح رحت للمكتب وقلت له ابغى النسخ الاضافيه حقت السيفيس
يقولي الورقة هذي توصل على صندوق البريد يمكن تقعد شهر
ويقول الورقة مو ضرورية يقول اللي معاك تكفي وتثبت انك دفعت رسوم السيفيس
ويقول بعد كثير يروحون للسفارة بدون الورقة هذي وتمشي امورهم
احترت والله
مدري وش اسوي
حرام انحرم من الفيزا عشان هالمكتب
وش رايك اخوي امباكت .... وش اسوي؟؟؟؟
معقوله اكنسل موعدي او تتاخر الفيزا عشان الاوراق هذي!!!!

Impact
Impact
جرب ياغالي وروح والله معاك ,,
اذا فيه شي ناقص او ما قبلوا الورقة ممكن تطلب نسخة اضافيه من السيفيز وبقولك كيف الطريقة
تدخل على اللنك نفسه وتحط معلوماتك منها رقم الت i-20 وتحط رقم البطاقة الائتمانية وتختار توصيل سريع
المفروض توصلك خلال 3 الى 5 ايام !!
بالتوفيق

أبو عزوز وسارا
أبو عزوز وسارا
اخوي امباكت
يعطيك الف عافيه على المتابعة والردود
وجزاك الله خير
والله يوفقك بالدنيا والاخرة

sam963
sam963
اخواني ابو عزوز وسارا و امباكت
من واقع تجربة ليس هناك حاجة لاصل السيفس يكفي البرنت اللي معك

cadillaca
cadillaca
انا اؤايد كلام احوي سام الله يحفظه


خصم يصل إلى 25%