يا هلا والله وحياكم الله ،،
الموضوع جداً سهل ولا به أي تعقيد ،، جواز السفر مطلوب ابرازه فقط في قاعة استقبال الفندق ،، الحجز أفضل وأوفر عن طريق الانترنت ومن المواقع المميزة للحجوزات موقع https://www.booking.com
بالنسبة لأفضل المنتجعات الشاطئية فهي الرتزكارلتون في ضاحية السيف كذلك بالإمكان أخذ شاليه خاص في منتجع سي لوفت جزر امواج واذا حريتنا مسبح خاص في الشاليه عليكم بمنتجع ذا دراغون جزر أمواج أو حتى قصر العرين في منطقة العرين وهو أفخم المنتجعات البحرينية من حيث الديكور ،، كذلك بالإمكان الحجز في منتجع سوفيتيل الزلاق يقع في منطقة الزلاق وفخامته لا تقاوم وفيه كل مقومات الاستجمام الشاطئي ،، منتجع اليت سويتس اند سبا وكذلك الدانة نوفوتيل من الخيارات الجيدة لمن يبحث عن منتجع أو نظام شاليه فندق في وسط العاصمة المنامة.

الحجز سهل بمجرد بطاقة الشخصية او الجواز اذا بتكونون هناك في الفندق او المنتجع وبتحجزون بشكل شخصي
بنسبة للحجز عبر النت لازم بطاقة فيزا
بعض الفنادق و المنتجعات يطلبون بطاقة فيزا كارد او اعطائهم تامين مسبق
الخوف ان لايوجد حجز لذلك عليكِ التاكد من الحجز عبر موقع احد الفنادق او سؤالهم عن الكيفية وهل يكفي الحجز عند القدوم او حجز من موقع من النت

اقول اختي مدري اخي الغاالي
روح ولا يهمك احد انت بالبحرين بلد الحريه يعني دربك خضر والله لو معاك فلبينيه بالسيارة محد يقولك منو معااك ... الرب واحد والعمر واحد عيش حيااتك ..
في شاليهات كثيره .. بس انصحك بالبندر رخيص وكويس
تحيااتي

1. كيف طريقه الحجز في البحرين وكيف الاجراءات


2. لالالا كلش .. كل شي بسهولة ويسر


3. يعني حجز العوائل يحتاج بطاقه وحجز العزاب يختلف ولا كيف ؟؟

السلام عليكم
انا اول مره في حياتي بروح البحرين مع زوجي في العيد
حياج الله في بلدج الثاني البحرين .. وإذا ما شالتج الأرض نشيلج بعيونا
وابي افاجئه واحجز له شاليه يخقق ليله وحده
في شاليها وايد في البحرين .. وإذا بغيتي في العيد لازم تحجزين من الحين لأن راح تكون محجوزة بالكامل ومن الشاليهات في البحرين :
1. فندق بنيان تري : وهو نظام فلل ويوجد مسابح خاصة لكل فيلا .. وهو من أفخم فنادق البحرين .. ويوجد به أفضل سبا في البحرين وسعره في حدود 250 دينار بحريني لليله الواحدة.
2. فندق سي لوفت يتميز بشقق مع منصة خاصة مطلة على البحر أو مسبح لامتناهي .. وسعره في حدود 225 دينار بحريني لليلة الواحدة ..
3. فندق الريتز كارلتون : وهو بنظام الغرف ويوجد أيضاً شاليهات على البحر .. وهو أيضا من أفخم فنادق البحرين .. ولكن سعره غالي شويه بحدود 500 دينار بحريني لليلة في شاليه ويعتمد على عدد الغرف أيضاً.
4. فندق دراغون : وهو فندق بنظام الغرف ويوم فيه أيضا فلل يوم بكل فيلا مسبح خاص .. وهو فندق جديد وفخم لكن أيضاً سعره غالي .. سعر الفيلا 1100 دينار بحريني لليلة الواحدة.
5. منتجع البندر : نظام الشاليهات .. وموقع في جزيرة سترة .. ولكن في العيد محجوز بالكامل .. وهو سعره رخيص بالنسبة لباقي الفنادق ..
6. ويمكن أن تذهبوا إلى فندق توليت في جزيرة حوار .. وهي تبعد عن البحرين مسافة 40 دقيقة في قارب سريع .. وهي تجريبة جميلة جداً ..

كيف طريقه الحجز في البحرين وكيف الاجراءات

طريقة الحجز في البحرين عادية وسهلة جداً .. تقدرين تجحجزين من الانترنت أو من موقع الفندق نفسه أو من مكتب سفريات عندكم بالسعودية .. وإذا وصلتوا الفندق راح يطلبون منكم فقط رقم الحجز وراح ياخذون جوازاتكم ويصورونهم ويردوهم لكم فقط لاغير ..
يعني بطاقه عائله وجوازات ولا سهله السالفه ؟؟
لالالا كلش ما يحتاج ومن الممكن أن يكون الحجز بأسمك .. بس راح ياخذون الجوازات ويصورونهم مثل ما قلت لك سابقاً
هل عندهم نفس تعقيد الفنادق في السعوديه

لالالا كلش .. كل شي بسهولة ويسر

يعني حجز العوائل يحتاج بطاقه وحجز العزاب يختلف ولا كيف ؟؟

لا كله نفس الشي .. المهم في حجز الفندق أن يكون عندج رقم الحجز فقط سواءاً حجزتي من الانترنت أو من موقع الفندق أو من مكتب السفريات .. إذا حجزتي من موقع حجوزات الفنادق على الانترنت راح يطرشون لك رقم الحجز على ايميلك وأنت تطبعه وتاخذه للفندق .. وإذا حجزت على طريق موقع الفندق نفس الشي بعد راح يطرشون لك رقم الحجز على ايميلك وانت تطبعه وتاخذ للفندق .. وإذا من مكتب سفريات راح يعطيكم ورقه فيه الاسماء ورقم الحجز كل شيء ..
وبالتوفيق ان شاء الله
وإذا عندك أي استفسار أكثر ترى حاضرين لكم
وحياكم الله في بلدكم الثاني مملكة البحرين