وردة التوليب
06-12-2022 - 11:43 pm
أخواني الحمد الله استقرينا على اختيار استراليا بدل اوروبا خاصة وان الجو في اوروبا هالسنة بشهر 7 حار جدا واحنا ندور الجو الحلو بس بما ان معانا اطفال بنمر ترانزيت علشان تكون الرحلة مريحة بس سؤالي ؟؟؟
1- احنا بنسافر على طيران الإمارات فهل وحابين نمر ماليزيا أو بانكوك ؟؟ يصير ؟؟ ما احب سنغافورة أبداً
2- ممكن نروح الصين أو هونكونج مع طيران الإمارات ولا الرحلة بتكون أبعد لأني أبا اقصر المسافة ما ابا أبعدها ؟؟ بس قلت يمكن تكون نفس الشي فالواحد يودي اليهال ديزني هونكونج ولا الصين؟؟
3- بالنسبة للفنادق أنا حاطة في بالي سيركل اند كافيل بس ما اقدر احجز من الحين لأن ما اعرف ظروف إجازة زوجي وفي نفس الوقت احس انه وايد بدري الحجز من الحين الواحد ما يعرف شو يصير بعد شهرين على الأقل اخر خمسة لأن سفرنا أول 7 بس اخاف ما اقدر أحصل حجز بعدين فشو تشورون علية هل بلاقي حجوزات ولا هو دايما فل فالواحد يتلاحق نفسة ؟؟
وهل اكلم الفندق واحجز دايركت ولا في موقع الأخوان قالولي عنة شو هو ؟؟ اقدر عن طريقهم احجز ارخص ؟؟ وهل في شقق معينة لها اسم في البرج اختارها ولا شو اقولهم مطل على البحر ؟
ومشكورين وما قصرتوا طولنا عليكم السموحة جزاكم الله الف خير بس تراكم دام شجعتونا على استراليا تحملوا اللي ييكم
1- احنا بنسافر على طيران الإمارات فهل وحابين نمر ماليزيا أو بانكوك ؟؟ يصير ؟؟ ما احب سنغافورة أبداً
2- ممكن نروح الصين أو هونكونج مع طيران الإمارات ولا الرحلة بتكون أبعد لأني أبا اقصر المسافة ما ابا أبعدها ؟؟ بس قلت يمكن تكون نفس الشي فالواحد يودي اليهال ديزني هونكونج ولا الصين؟؟
الامارات ماتروح هونغ كونغ والترانزييت يعتمد على المدينه اللي راح تروحون لها
اذا كانت برسبن في رحله مباشره وفي رحله ترانزيت سنغافوره
سيدني في رحله مباشره وفي رحله ترانزيت بانكوك
ملبورن نفس برسبن في رحله مباشره وفي رحله ترانزيت سنغافوره
اذا حابه تروحون على للهونغ كونغ على الكاثي باسفيك ...
3- بالنسبة للفنادق أنا حاطة في بالي سيركل اند كافيل بس ما اقدر احجز من الحين لأن ما اعرف ظروف إجازة زوجي وفي نفس الوقت احس انه وايد بدري الحجز من الحين الواحد ما يعرف شو يصير بعد شهرين على الأقل اخر خمسة لأن سفرنا أول 7 بس اخاف ما اقدر أحصل حجز بعدين فشو تشورون علية هل بلاقي حجوزات ولا هو دايما فل فالواحد يتلاحق نفسة ؟؟السيركل ان كافيل افضل وارقى فنادق حاليا في قولد كوست بس الافضل تحجزون من الان .. في احتمال كبير ماتلقون حجز الطلب عليه كثيير والحجوزات كثيره ..
وهل اكلم الفندق واحجز دايركت ولا في موقع الأخوان قالولي عنة شو هو ؟؟ اقدر عن طريقهم احجز ارخص ؟؟ وهل في شقق معينة لها اسم في البرج اختارها ولا شو اقولهم مطل على البحر ؟
الموقع طبعا راح يطلع ارخص و على عددكم اشوف شقه غرفتين مناسبه واطلبيها بالادوار العاليه و مطله على الاوشين
لان مافي بحر في محيط وفي نهر الهانتر لاند