دائما افضل وسيلة للانتقال من المطار للفندق التاكسي لان الباص او الرير مابيوصلك لباب الفندق بعكس التاكسي

شوفي ياعسل اذا انتي مستخدمه الاندرقراوند من قبل طبعا احسن وسيله هي القطار والاندر قراوند لانها ارخص و اسرع ....... اذا انتي عارفه مكانه واذا مو عارفه ارسلي ايميل للفندق و قولي لهم جايه من المطار الفلاني بستخدم الاندر قراوند وهم بيوصفون لج كل شي بالتمام يعني بيقولون لج خذي القطار لين كذا و بدلي بالاندر قراوند (يحطون لج اسم المحطه )
بس عيبه شي واحد اذا عندي شناط كثير و بزران .....
التاكسي بيوديج لين الفندق بس الله يعينج اذا زحمه و طبعا مكلف
تحياتي

أولا يعتمد على عدد الاشخاص . اذا كان شخص واحد الافضل يأخذ الباص أفضل بكثير من المترو وأريح
اذا كان شخصين أو اكثر التاكسي أفضل لان فرق التكلفة لن يكون كبير بالاضافة الى أن التاكسي اريح
وبيوصللك لبوابة الاوتيل . بالنسبة للباص ينزلك في افنيو كارنوت عند قوس النصر تماما
واوتيلك مو بعيد عن قوس النصر .
تحياتي