ابريل جميل في كل المناطق وربيعي
فلوريدا ما تنقطع عنها الامطار بحكم قربها من خط الاستواء لاكن متعودين عليها وحتى في النشاطات !!!!
بالتوفيق ,,

impact
امباكت هو اللي رد علي .. > شرف كبير ..
طال عمرك .. من أهم النشاطات هناك الملاهي > ديزني لاند .. 6 فلاق .. يونيفرسال استديو .. > فهل تتوقف الألعاب لحد ما ينتهي المطر مثل بعض الملاهي في بعض الدول .. > ماودي أحجز تذذاكر لها وبالنهاية يقفلون الألعاب .. /
سؤال آخر وشاطح .. في نموذج ds-160 طلب مني بيانات شخص أعرفه وبحكم فارق التوقيت أخذت من خويي بيانات أخته هناك اسمها ومدينتها وو .. اكتشتف أن عنوان السكن اللي عطاني إياه مو متأكد منه هو والرقم كذلك .. هل يؤثر ولازم أخليه يتأكد وإلا عادي ؟ وما هو الإجراء في حال كان لابد من التعديل مع عدم إمكانية التعديل
تحياتي لك

الشرف لي
وبالعكس كلنا هنا اعضاء واخوان يفيد بعضنا الاخر !!
لا تخافوا من موضوع انهم يقفلوا الالعاب متعودين على هذا الوضع !!
بالنسبة للنموذج لا تحط شخص ما تعرفه !!
فيه علامة Not Applicable يعني لا ينطبق اشر عليها !!
بالتوفيق

Impact
هذا من تواضعك وطيبك الله يسلمك ..طال عمرك سويت DS-160 جديد عشان أصحح أي معلومة ودخلت موقع visa point وعدلت رقم النموذج وحطيت الجديد
لكن أنا كنت حاط لغة الموقع عربي .. فلما يسأل عن الجنس أكتب "ذكر" .. وبالصدفة قلبت الموقع للإنجليزي عشان اطبع البيانات بالانجليزي اكتشفت أنه حاط الجنس Female .. ولما غيرته حطيته male اكتشفت أني يوم حوولته للعربي غير جنسي لأنثى !!!! .. وش الحل عندهم مشكلة بالموقع .. قلت أهم شي بالإنجليزي تكون صح .. ولكن المصيبة أني حاط بالموقع أني أفضل أن تكون اللغة العربية في الإجراءات ونحوه في خيار (language preference) ..
وش الحل ؟؟ لاسيما مشددين ع أن المعلومات تكون صحيحة ؟؟

صحيح الموقع من زمان فيه مشكلة في الجنس اهم شي خليه بالانقليزي
وكل شي لا تخاف تقدر تسويه بالعربي في السفارة !!
بالتوفيق ,

Impact
الله لا يهينك يالغالي وما قصرت .. أنا أشهد أنك رجل رائع وفاهم ومتواضع .. وبحق متعاون .. ولو ما يجيك إلا دعاء وشكر كل شخص ساعدته .. تحياتي المعطرة والخالصة لك ..

impact
رحت لموعدي .. وشلت هم .. جبت الصور المطلوبة ولا أخذها.. بس اخذ مني الجواز وتعريف العمل وكشف الحساب ونموذج الباركود حق ds-160 وأعطاني الورقة الصفراء وقال رح لفيدكس .. بس أشوف العالم يعرفون وضعهم إذا مقبول أو لا .. أما أنا ما قالي شي .. عطاني الورقة الصفراء وبس .. حتى دخلت اليوم ع رابط الخارجية اللي يعلمك وش صار ع حالة الفيزا .. وماتعرف الموقع ع رقم ds-160 حقي .. مع أني لي 4 أيام خالص مقابلة ..
أرجوك طمني ..

هل سلمت جوازك لفدكس ؟! وماذا مكتوب في الورقة الصفراء ؟!
دامهم مقال لك انك مرفوض يعني الامور تمام ويتبقى فقط ألامور الادارية ولا تنسى عندهم إجازة الايام هذي !!
بالتوفيق

Impact
أنا أدري يا سيدي أني أقلقتك .. والعذر منك .. لكن أشوف العالم تعرف حالتها أنها مقبولة .. وهذا اثار استغرابي ..
طبعا عندهم إجازة رأس السنة وأشوف الموظفة تقول لواحد أنو راح تتأخر .. أنا عطاني الورقة وحط صح قدام الإجراءات الإدارية وسلمت الجواز لفدكس ..
أعذرني يا أمير المنتدى .. لكن أشوف العالم تعرف حالتها وهذا حيرني .. أنا آسف مرة ثانية .. دعواتك .. والله اني مستحي منك ..