الخبر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..

نشر في الخبر

سؤالين لأهل الخبر

N_86

23-11-2022 - 02:54 am

السلام عليكم
عندي سؤالين لو تكرمتوا
1- وين مكان محلات الملابس الرجالية ( الأشمغه - غتر ...) بس تكون مجموعة محلات يم بعض لأني توقعت انها بالسويكت بس تفاجأت إن الموجود 3 أو 4 محلات فقط
2- هل هناك سوق للأسماك ؟ وين مكانه ؟وفي أي فترة ؟ لأني باخذ كمية
وشكرا

التعليقات (6)

zace

23-11-2022 - 05:25 am

اخوي اذا تبي محل االاسماك روح شارع الظهران وانت جاي من الكورنيش
بيجي على يمينك مجمع الرحمانيه
ادخل مع اللفه اللي قبل الرحمانيه وامشي سيدا اترك 5 او 6 تقاطعات وتلاقي هناك كلها اسوق سمك ومطاحن

واذا على الغتر والشمغ
تلاقيها بشارع الملك خالد بالخبر ..

موكيش

23-11-2022 - 06:26 am

السلام عليكم ورحمة الله وبركاته
بالنسبه للسمك انا افضل انك تزور سوق السمك بالدمام دامك بتاخذ كميه
هناك افضل بكثير السمك ومحلات كثيره واسعار افضل انا راعي بحر واعرفهم كلهم الي بالخبر والدمام
تحياتي لك

N_86

23-11-2022 - 07:27 am

zace تقصد بشارع الظهران اللي اهو شارع الملك عبدالله ؟؟
وين صاير شارع الملك خالد؟

N_86

23-11-2022 - 08:28 am

موكيش شكرا لك لكن أين يقع بالضبط هذا السوق في الدمام ؟ لو كنت قادما من الخبر مثلا

zace

23-11-2022 - 09:29 am

شارع الملك خالد وانت جاي من الكورنيش على شارع الظهران
اذا جا مجمع الرحمانيه على يمينك هو بعده بتقاطعين على مااعتقد
واهلا وسهلا بك في (( الخبر )) ..

jamli2012

23-11-2022 - 12:32 pm

اذا تبي سوق السمك بجمله ومفرد ومصدر اساسي في الاسماك عن سوق السمك بالقطيف كل انواع السمك في شرقيه وتم تصديره الى كل مناطق والدول الخليج .