زيارتي يوم السبت 11-5-1431 هجري لوادي العلب
السلام عليكم ورحمه الله وبركاته
اخباركم
حبيت انزل لكم صور لوادي العلب لانه بجد يستاهل الزياره
صح انه روحتنا له كانت بالغلط بس الحمدلله طلع مكان روعه
اولا قررنا في يوم اجازتنا اللي هو يوم السبت ( احسها اجازة يهود) المهم نطلع لمنتزة وادي حنيفه لانه شفنا له صورة تجنن
المهم وحنا بالطريقه قلت لابو الشباب كلم ولد عمتي يوصف لك الطريق المهم كلمه قال له لا تروحون منتزة وادي حنيفه راح تضيعوون روحوا سد الدرعيه ..
المهم رحنا على الوصف وحوسنا الدنيا ووصلنا لمكان الصراحه خيا ال
مكان يرد الروح كله خضار ومن كثر ماني منبهره ماقدرت اصور في البدايه يعني نص الطريق راح بدون تصوير وماتحسفت الا بعدين
المهم المكان يسمى وادي العلب
واتوقع كل هالامكان قريب بعض بس ماعرفنا للطريق
المكان هادئ ونظيف ومرتب ويفتح النفس
واكثر شي هناك المزارع الخاصه كان ودي ادخل لوحده منهم لدرجه اقول لابو الشباب خلنا ندخل لو بالغلط مااتوقع بيردونا
وفيه استراحات كبيره بس يبي لها جماعات عائليه تكون احلى
حتى السد حاطينه كانه ممشى بس مامشينا فيه لانه فيه شباب
والوادي مرتبنه وحاطين اماكن للمشى يعني شي روعه
اخليكم مع الصور
هذا الوادي حتى الشجر لسه ماكبر يعني توهم حاطينه ولو تلاحظون بين الاشجار ممرات للمشي
سيارتنا الجميله
هذه الكابينه
متعودين الكباين على الكونيش من جداره من طوب بس هنا احلى حاطينه من صخر ومشكلينه
وقدام كل كابينه حاطين حفرة مستطيله للي يبي يشوي
الممرات
هذه احد المزارع لقينا بابها مفتوح
كلب لقيناه في الطريق
طبعا بعد ماطلعنا من وادي العلب وقاعدين نحوس دخلنا هالمكان طول الطريق يمينك ويسارك جبال والطريق ماله نهايه لدرجه قعدنا نمشي ربع ساعه ماشفنا شي
هذه الممرات تلاقي على كل كم شجره حاطين سله مهملات
وقدامها سله ثانيه اكبر على الطريق
يعني نظافه وترتيب
اتمنى من الكل انه يروح لهالامكان ويخلي عنه المجمعات والمطاعم اللي ماعرفنا غير في الرياض
حتى ان هالامكان احسن من الثمامه