السلام عليكم
أدري أنكم مليتوا من التقارير عن هالمطعم
لكن بصراحة مطعم القرية النجدية يستاهل أن نكتب عنه ، كل شيء فيه مميز ويعكس تراث نجد من ناحية الديكور والأكل
وخلال زيارتي له لاحظت بعض العوايل جايبين معهم شيبانهم وجداتهم ، أحس أنها أجواء مميزة لو الواحد يجيب معه أحد من كبار السن من عايلته ،
والمطعم اعتبره واجهة سياحية للرياض وخاصة للأجانب أللي جايين للمملكة .
أنا رحت للمطعم مع عيالي بعد صلاة الجمعة مباشرة ، وصلت له الساعة 1 ، وكان فاضي لدرجة أني قعدت أنقي مكان عشان نجلس فيه !! ، لكن بعد ما خلصنا الغدا شفنا أنواع الزحمة عند الاستقبال ، كلهم انتظار !!!
اترككم مع الصور :

هذي الصورة قديمة أخذتها قبل سنتين ، وأللي راح المطعم الفترة الأخيرة راح يلاحظ في الصورة عدم وجود النخل

نجي على الأكل وهذي طلباتنا :

كبسة دجاج

جريش

مرقة لحم

صورة جوية للسفرة
انتهت الصور
طبعا مثل ما قلت في البداية ديكور مميز أكل مميز ، والأسعار معقولة مع أنهم ياخذون 10% خدمة ومع ذلك أسعاره رخيصة ، حسابي كان 110 ريال فقط لا غير !!
أتمنى أن يكون التقرير عجبكم ولنا لقاء في تقرير جديد
في أمان الله