زيارتي للسيرك المصري الاوروبي Egyptian European circus 2008 القاهرة (بالصور)
السلام عليكم ورحمة الله وبركاته وتتوالي انفرداتي ببوابة مصر بمواضيعي الجديدة وانا بحثت في النت كله ولم اجد الا موضوع واحد عن السيرك المصري الاوروبي وكان يوجد به العنوان فقط
فالحمد لله تنفرد بوابة مصر بهذا التقرير الملئ بالصور كالعادة ( ماعن التصوير ممنوع بتاتا بالداخل ولكن من صبر نال ...... كان في اول العرض امن كتير جدا لدرجة علي كل 15 شخص اتنين امن مراقبين ... والحقيقه الناس كلها بدءت في التصوير فالامن وجه ليهم انذار وكده فشالو الكاميرة خلاص انا صبرت ما صورتش في اول العرض واستنيت لغايت ما الامن اطمن علي ان كل الناس شالت الكاميرات وعددهم قل نوعا ما وبدءت في التقاط الصور ههه في الخباثة كده ... علي رأي احد الاعضاء بقيت مصور الصعاب .. صورت في الزحمة والصور ضبطت وصورت في الشمس والحر ودلوقتي وسط منع الامن ههه يلا كله يهون عشان تكون الفسحه حلوة وكمان انتوا كمان تاخدو فكرة )
الصراحه تصويري المرة دية اديت نفسي 9 من 10 والحمدلله والكاميرة ساعدتني جدا في استخدام الايسو في الصور فالايسو بها عالي جدا 3200 الحمدلله وذلك ساعدني كثيرا
نبدء تقريرنا ... ذهبت صباحا لحجز التذاكر والحقيقه اخطأت في العنوان فالاول اتجهت الي صور نادي الشمس عند الاستاد الرياضي في الف مسكن ولكن بعدها رجعت للبيت و وشوفت العنوان الصحيح وهو شارع عبد الحميد بدوي مصر الجديدة طبعا بجوار صالات الاسكواش نادي الشمس وبالفعل روحت له
وهذه صور البوابة صباحا وانا بقطع التذاكر عشان نضمن تذاكر

ودية صور التذاكر الحقيقه كانت اسعار في المتوسط واخدت تذاكر من فئة 60 جنية واخدت 8 تذاكر لاننا ثمن اشخاص وكان المبلغ 480 جنية

ودية الدرجة اللي قاعدين فيها بيكتبها خلف التذاكر من ورا و العدد والسعر

بس وروحت عند اقاربي بالتذاكر وكان ميعاد بدء الدخول من 9:30 ولكن لما وصلنا قالو الدخول الساعه 10
وهذه صور عند وصولا ليلا للبوابة

ودخلنا وتوجهنا لمكان الدخول ولكن قال لنا الدخول الساعه عشره قولنا في العاب جنب الخيمة بتاعت السيرك ممكن الاطفال يلعبو فيها شوية لغايت ما تعدي النص ساعه

وهنا متوجهين للالعاب

وهذه صورة لخمية العرض

وصور للالعاب

وقعدنا يمكن عشر دقايق بس وبعدها قالو لنا الدخول بدء فتوجهنا للدخول وهذه صور بعد جلوسنا للسيرك من الداخل

الحقيقه زي ما قولت لكو الاول كان الامن منتشر جدا ولم استطيع التصوير لان التصوير ممنوع تماما حتي كان في اجانب بيصورو اتسحبت منهم الكاميرة لغايت ما ينتهي العرض ولكن انا صبرت شوية ولكن دية صورة لبداية العرض خالص وهما بيقدمو كل اللي هيقدمو العرض

وبعدها خبيت الكاميرا لغايت ما الامن هدي وبدءت رحلة التصوير الداخلي ههه رميت الفشار من ايدي وبقيت اصور ههه
دية صور للساحر

صور لعرض الكرباج الناري

صور لعرض تشارلي والبلونات

وصور لعرض الدواير

صور لعرض الاكروبات علي الحبال

وبدءت الاستراحة والتحضير لعرض الاسود واعذروني علي عدم دقة هذه الصور بتاعت التحضير لانهم قفلو كل الاضاءة وتركو هذه الاضاءة البيضاء الضعيفة جدا وفالحمدلله علي الصور

وصور للازدحام الشديد الذي ملئ السيرك علي اخرة

وبدء عرض الترويض للحيوانات المتوحشه والحقيقه كان اكثر من هايل بجد بكل معني الكلمة
وكل اسد له اسم بس نسيت اسماءهم لانهم كتير
دية نمره مش فاكر اسمها

دية اسمها زينا

وهنا المدرب قال لزينا نطي من فوق كان اسمه اعتقد وائل الاسد الكبير ده

وهنا زينا القوية بتنط من النار

وهنا زينا بتعمل باي باي و علاء اللي جنبها زعلان اوي لانه لما جه ينط من النار وقع

اعذروني لقلة صور العرض ولكن العرض استمر من 10:30 الي 12:45 يعني تقريبا ساعتين وربع ويعتبر في ربع ساعه راحة يعني ساعتين العرض ولكن بجد الامن كان في كل مكان وكان صعب التصوير اوي لاني لو اكتشفت كان هيمسح الصور من الكاميرة
وانتهي العرض واحنا خارجين لقينا ابطال العرض واقفين اتصورنا معاهم ماعدا انا ههه كان نفسي اتصور مع تشارلي ده

والحقيقه انا اللي كنت بصور ومن معي اتصور معاه
وكمان بطله الهواء دية كانت بترقص في الهواء من خلال حبل ولكن ما صورتهاش لانها كانت اول العرض

ودية بوابة الخروج بليل

وروحنا وصولنا الحمدلله
السيرك من تقيمي بشكل عام اديله 7من 10 بس كدول عربية اديله 10 من 10 لاني الحقيقه كنت متوقع جهد وعروض اكتر ولكن ككل الزيارة كانت حلوة جدا جدا جدا
واعتقد اني وصلت صورة كاملة وفريدة لبوابة مصر في الشبكة العنكوبيته كلها
انصح من معه اطفال والان في زيارة مصر اول لسه هيزور مصر يذهب للسيرك فالاطفال سيكونو مستمتعين جدا وحتي الكبار مع بعض العروض
اتمني ان اكون وفقت في التقرير
وان شاء الله نلتقي في تقارير اخري لي وفريدة ايضا بكل ما فيها وانتظرروني في تقارير عن قريب ان شاء الله الصيف هذا ملئ بالامكان الجميلة