1. في الاخر السيارة الصغيره نشبت


2. وقاعد يحاول انه ينزل وقعدت تقريبا ربع ساعه ارقبها

زيارتي يوم السبت 17-5-1431 هجري لبحيرة الجزعه
السلام عليكم
اخباركم
اكتشفت مكان ثاني غير وادي العلب
قلت لكم ابي اروح منتزة وادي حنيفه
وطبعا حسنا بالنت علشان نلاقي خرايط او اماكن وجود هالاماكن لقيت اكثر من مكان روعه
واحترت ايهم نروح هالسبت
المهم ابو الشباب قال اختاري مكان واحد فاخترت وادي الجزعه
الصراحه مكانه اخر الدنيا ولا فيه اي لوحه تدل على هالمكان ابدا
يمكن لانهم الى الان ماكملت الخدمات بس فيه ناس يجونه
اهم شي انه مكان هادئ و رائع
اسمه بحيره الجزعه
طبعا على طريق الحائر اهم شي لا تروحون لسجن الحائر وانتم تحوسون هناك
اخليكم مع الصور
خاصه انه السبت الصباح كان مطر والجمعه بعد واليوم بعد يعني جو ولا في الخيال
طبعا تصويري لهذه السيارتين له قصه طبعا في الصورة اللي قبلها تشوفون السيارة فوق المهم كان قبلها الهايلوكس
الهايلوكس طبعا عادي نزلت من فوق والسيارة اللي وراها تبي تسوي مثل راعي الهايلوكس مع انه في ممر تحت بالراحه تقدر تمشي به السيارة

في الاخر السيارة الصغيره نشبت

وقاعد يحاول انه ينزل وقعدت تقريبا ربع ساعه ارقبها

قسم بالله حالتها حاله الهايلوكس راحت في حالها من زمان وهذا يحاول اخر شي عزم انه ينزل والظاهر السيارة فيها عائله والظاهر يسوون له ازعاج لانه الانحدار يخوف خاصه انه قدامه بحيره يعني لو ماضبطها راح يطيحون في البحيره
الاخ يحاول ويحاول عاد انا مليت وقمنا نمشي وركبنا السيارة ويوم قدنا رايحيين الا نشوف راعي السيارة يشيت على سيارته وهي ناشبه واهله نزلوا من السيارة وفرشوا وجلسوا من كل ماملوا من محاوله الرجال انه ينزلهم من هالمازق
حكمه
اذا انت منت قد الهايلوكس لا تغامر ههه
طبعا الجو كان خيالي
طبعا مثل ماتشوفون ناقص الخدمات
حتى الاضاءة مافي الا عند الممرات اللي توقف عندها السيارات بس
ان شاء الله عجبتكم الصور