بما انا في فصل الصيف
وليلحين ماكو سفر ..
فلازم نستغل هالوقت ونطلع
فأخترت هالطلعه ..
اني اتريق ( افطر) في مطعم
بس يكون مطعم زين
لا هندي ولا صيني ولا مصري
ابي الكل بوقت واحد
فقلت مالي إلا مطعم
(( مطعم مركز سلطان ))
تحديدا..
(( جينز جريل ))
على شاطئ الخليج العربي ..
وتحديدا بدولتنا الغاليه الكويت ..
فرحنا انا وريلي ..
وكان يوم الثلاثاء
الساعه 8 صباحا ..
فتوجهنا إلى المطعم ..
وعند فتح باب الأصنصير ( السلم الكهربائي)
وإذا بفلبينيه تستقبلنا بإبتسامتها الورديه
وتقول لنا (gOOd mOrning)
GOOING 2 the rest,,,
الجواب ... sure
وفتح باب الاصنصير ..
وإذا بفلبينيه اخرى تستقبلنا ...
وتسألنا السؤال : smoking or non ?
الجواب : smoking
البشمهندس رد وانا ساكته .. لانه من المدخنين :112:
وسيده رحنا ..
مكان يم الدريشه ( لعيون العضو يم الدريشه )
وبعدين تفضلنا على البوفيه ..
شوفوا الصور ..
صورة للمطعم بالخارج ..
صوره المطعم .. من الخارج ..
صوره من الدريشه .. ويبين مرسى اليخوت ..
صورة ثانيه .. المطله عالبحر ..
صوره للشعار الخاص بالمطعم .. ((جينز جريل ))
صورة من الريوق ..
الفاتوره .. وكان الحساب 7,450د.ك لان طلبنا بعد ماي سعره ,550 فلس..
سعر الشخص 3,450د.ك
مع العلم ان زادو سعره ..هالسنه
قبل كان الشخص 2,500 د.ك
بس صراحه البوفيه حلو .. كل شئ فيه ..
مقبلات + وجبات رئيسيه + حلويات
عصير + شاي او حليب او قهوه ..
واللي عجبني بالبوفيه ان فيه (( سندويتشات عالصاج ))
ولا تنسوون اللي يسوي البيض بأنواعه
سلام حار بحروورة الشمس الصباحيه ..
اتمنى يعجبكم ..