السلام عليكم ورحمة الله وبركاته
لأفضل وأحلى منتدى بالنسبه لي ..
بما أننا في أواخر شهر رمضان ..
طبعا الكل يجهز للعيد ..
والحمدلله خلصت اغراضي من قبل رمضان ..
لكن !!!
عيال اختي .. توهم يجهزوون للعيد ..
وهذي اول تسوق لي برمضان ..
فكانت لي هذي الزياره ..
ل: محل baroue
موقعه : مجمع الأفنيوز - الكويت -على الدائري الخامس -بجانب ايكيا وكارفور ..
وقت الزياره : 5/10/2007 الساعه 9 مساءا ..
عدد الأشخاص: 5
الهدف من الزياره: شراء ملابس العيد ومستلزماته للبنات ..
طبعا كان مجمع الأفنيوز مزدحم جدا:112:
تقريبا ظلينا نص ساعه بس ندور لنا موقف للسياره
وبالاخير يانا الفرج ولقينا موقف..
وطبعا (( لازم تحفضين رقم وحرف ولون الموقف اللي تكونين فيه وكان موقفنا M23 لونه ازرق ))
عشان ما تضيعون لما تدورون موقفكم ..
المهم اتجهنا للمجمع ..
وكانت المقاهي مزدحمه والمحلات تصرخ من شدة الناس ..
فإتجهنا إلى محل Baroue
الخاص بمستلزمات الأطفال من سن اول يوم ولادة وحتى 12 سنه ..
وايضا خاص بمستلزمات المرأه الحامل ..
فكان مقسم لأقسام :
1- خدمة البيع
2- قسم الأطفال من سن يوم إلى 6 شهور
3- قسم الأطفال من سن 6شهور إلى سنه
4-قسم الأطفال من سن سنة إى 6 سنوات
5- قسم الأطفال من سن 6سنوات إلى 12سنة (( اولاد وبنات))
6- قسم النساء الحوامل ومستلزماتهم ..
7-قسم غرف الأطفال
8-قسم لعب الأطفال
9-قسم ترفيه الأطفال (( عباره عن مجسم من الديناصور بوسط المحل ))
بالنسبه لقسم ترفيه الأطفال:
خاص للأطفال مع الخدم .. يعني تقدر تخلي اليهال بهاللعبه وتروح وتصميمها واايد حلوو اهيا من البلاستيك وفيها زحلاقيه وحوض للرمل وشباك للعب ويحيط فيها سياج بعد..
وكانت لي هذه الصور..
هذي عند بوابة الدخول .. حيث يوجد مجسم لسياره ولكن الأولاد حولوها إلى هووشه
صورة ايضا .. للسياره .. (( ابي اصور ملامح السياره مو قادره من الزحمه ))
بوابة الدخول ..
داخل المحل ... ويبين اقسامه ..
قسم من الأقسام ..
وآخر ..
قسم لعب الأطفال
قسم البيبي..
قسم ترفيه الأطفال . . لكن موقادره اصور راس الديناصور من زحمة اليهال .. هذا ظهر الديناصور
قسم ترفيه الأطفال .. تكمله للديناصور ..
والديناصور مقسم لأقسام قسم لرسم وتلوين الأطفال وقسم للعب والزحلاقيه وفيه بعد بس مادري شنو من الزحمه ..
قسم الحوامل ..
قسم غرف الأطفال ..
غرفة اعجبتني ..
قسم آخر .. للمحل ..
وطبعا كانت حصيلتنا ولا شئ ..
من الشراء ..
وذلك لعدم حصولنا على بدلة عيد تناسب بنت عمر 12 سنه ..
وطبعا اسعارهم مناسبه في الغالي وفيه الرخيص
وطبعا جودتهم عاليه ..
واتمنى اني كفيت ووفيبيت
وعساكم من عواده ..