مرحبا فيكم
ودامك من قطر نقول كل عام واهل قطر بالف خير في مناسبة اليوم الوطني حقكم
الاجواء جدا ممتعه امس كنت اتمشى في اكسفورد ستريت الناس مبسوطه وفرحانه والشوارع مزينة بالانوار
صحيح درجات الحرارة تنزل للصفر واكثر من ذلك وموعودين بنزول ثلوج قاسية ولكن راح تنبسطين برضوا
بس حبيت انوه على كلامك بالنسبة لحضورك للكريسميس ادري انك ما تعني الاحتفال فيه لان يمكن بعض الناس يجهل ان يوم 25 ديسمبر هو احتفال ديني مسيحي ولازم احنا كمسلمين ما نكون نحتفل معهم لانه محذور علينا فقط حبيت انوه .
بالنسبة للتمشي راح تشفون عروض قدامكم دايم في الاماكن المشهوره كا عرض موسيقي لفرقة او اي عروض اخرى تستحق المشاهدة
عندكم ساحات التزلج جربوا وانتبهو من الطيحات اذا ما تعرفون .
عليكم بالملابس الثقيلة انصحك تلبسون السكارف قفازات جاكيت وخصوصا اشتروا معكم او جيبوا اللي تشوفونه مناسب لكم اشتروا النوع هذا من الاحذيه يحميكم من البرد والثلج

المشروبات الساخنه وفيه مشروب في ستار بوكس مره كويس وهو كافي بالزنجبيل خطير ما يحطونه الا في الشتاء فقط

ادخلوا المجمعات دايم يحطون فيها عروض حلوه ومشوقه
وفي الاخير اتمنى لكم رحلة موفقة وسعيدة ملينه برد وثلج

أفا أفا أفا ياذا العلم تسئلون عن المطاعم بلندن ومادشيتوا موضوعي هذا الموضوع صار طفحة مطاعم ياخييتي
وناطرينج ترجعين من لندن تدلين بدلوج معانا بكم مطعم جديد
https://artravelers.com/p/re/362555
في كل مالذ وطاب يمي يمي يمي من المطاعم العربيه الإيرانيه اللبنانيه الهنديه الإيطاليه ومكانها بالتفصيل الممل
وعندكم وقت تطلعون عليها وتختارون
بنات عمي قبل كم يوم جايين من لندن يقولون برد ولحقوا علي السنو بس روعه يعني برد تقدرين تستحملينه
وتستمتعين في وبالعكس يقولون لانزل سنو يصير سبحان الله أدفا الجو بس يبغالكم تلبسون عدل عدل مدل مدل
موأي كلام عبايه تهفهف خاليه ولاغيره لأ (( جاكيت وgloves وطواقي وسكارفات وجاكيتات تحتيه ثقيله ))
ولادخلتوا الأماكن المغلقه والمطاعم فيها تدفأه خففوا ملابسكم
وبالنسبه للمصاريف والله من وجهة نظري اللي مايبخل علي نفسه تزيد ميزانيته أما اللي يقزرها فاست فود 1000
باوند أكل كافي بس أنا برأي المتعه بالسفر بالمطاعم السنعه وهذي يبيلها قرقش قرقش مخباتك بس أحلي طبعا
ووايد أماكن تقدرين تروحين لها بلندن بس لاتطوفين مسرحية لايون كينق أهم شيء والمشرفين ماراح يقصرون
يحطون لكم تقارير (( عاد مشرفينا غير شي يعتمد عليهم ))
إنتوا بس حطوا رجيلكم بإكسفورد وهي تروح كل مكان وكل مكان حلو
سوري هذرت كثير
بس هذا البوت اللي حاطه إخونا سلطان شي ياريت أحصل مثله كان ماشلته من رجلي طول الشتا

ماقصرو سلطان وربوعه بارك الله فيكم

فعلاً مع الثلج الجو يصير دافي ورطوبة .. اقصد بدون الثلج الجو ابرد من مع الثلج

سلطان لندن
جزاك الله كل خير على سرعة ردك وعلى افادتك
عندك فكرة وين ممكن القى مثل البوت اللي حطيت صورته ؟؟
وبصراحه شوقتني للسفرة
وشكرا لك

ربوع الحلوة
حبيبتي موضوعج عندي بالفيفورت من زمان ودوم ادخله واشوف الجديد فيه
وشكرا وماقصرتي على ردج

المشرف موادع شكر لردك
ومي مي طمنتيني اختي وكنت خايفه من الجو
تسلمين حبوبه

نحتاج دعواتكم سفرتنا بكره وعسى خير يارب

الروح
رحله موفقه يارب لاتنسين التقرير