1. ارحب فيكم يا شباب في زاويتكم: زاوية سبنتار

قطعت قلبي يا غزال ...... آآجي يمين تيجي يسار

ارحب فيكم يا شباب في زاويتكم: زاوية سبنتار

عندي بعض المواقف الطريفه والمخيفه والعجيبه .. واتمنى تفاعلكمهذا الله يسلمكم كنت مسافر لاندونيسيا في عطلة الحج 1422ه وكانت هذي السفره الثانيه لاندونيسيا .. المهم :
رحنا لمطار الملك خالد وركبنا الطياره (كانت قيمة التذكره 2300) لمل ركبنا الطياره صارت تبيس اطفال ؟؟ (لانهم كانو مستاجرينها من الخطوط الصينيه- يعني سرقونا خذوا قروشنا وركبونا في طياره مو تبعهم!!) المهم المقاعد صغار جدا .. جلسنا احنا الثلاثه في 3 مقاعد متجاوره وكانت الطياره 100 % full .. المهم ما اقلعنا في الوقت المحدد!! :rolleyes: برضه ماني عارف ليش !! قالوا لنا ان فيه عطل بسيط , قلنا ما فيه مشكله واستمر العطل ساعه ونص المهم اخيرا اقلعنا ولله الحمد ومن النحاسه وقفنا في ماليزيا (مع انه ما كان مجدول لها الوقوف في ماليزيا) المهم كان المفروض نجلس خمسين دقيقه فقط في كوالالمبور وجلسنا ساعتين ونص كانت الدنيا امطار وعواصف والطياره (اقصد الاتوبيس) ما تقدر تقلع .. المهم اقلعنا ولله الحمد و وصلنا جاكرتا بعد 13 ساعه بالضبط من يوم اقلعنا من الرياض . .. وصلنا واحنا ما نسوى ريال من التعب (وانا تنفخت رجلي من الجلسه وجاتني دوخه ومغص!!) ..
زبدة الموضوع !! اننا وصلنا جوازات مطار جاكرتا ومسكنا الصف !! كنت انا ماسك صف والشباب في الصف الثاني (على بالنا ذيابه!! اللي يوصل الاول يجون معه الباقين ) .. المهم وصلنا كلنا سوا
الشباب ختموا الجوازات وطلعوا وخويكم (اللي هو انا يا محاكيكم) نشبت مع هذا ال ماس !!! قال لي (يور باسبور فينيش)!!!! وش يشخمط هذا البقره؟؟ - يقصد ان جوازي باقي عليه 3 شهور وينتهي!! طبعن قلت له باقي 3 شهوور وانا كل رحلتي اسبوعين وهذي تذكرتي تأكد منها!! (على نياتي مسكين - ما ادري وش ينتظرني) .. المهم قالي: (نو .. يو!!! قوو هوم)
افا يا ذا العلم قال لي ارجع لديرتك ممنوع!! انا سويت نفسي ذيب وطلعت من جيبي 100 ريال وحطيتها في الجواز ورجعته له!! المهم الرجال انهبل علي وفضحني في المطارر وقال لي( نو !! نو نووت ألاود !!!! يعني غير مسموح البخشيش ويتلفت يمين ويسار ولما ما شاف احد حوله قال لي: نوت اينف!! يعني ما تكفي؟؟ افا قلت له طيب واطلع المحفظه وازيد 100 ريال ثانيه صارت 200 ريال واغمز له يعيني وش رايك فيني (على بالي ذيب) قال لي : نو تو هاندرد دولار !!!! قلت ايش سكران انت ؟؟ (شارب شاني وانت منسدح؟؟ ) المهم قال لي تبي ولا بكيفك رح لمكتب الاداره !! وجحدني الكلب!! المهم ادور خوياي ما لقيتهم صاروا عند العفش ونسوني!! ما دروا اني في ورطه.. المهم رحت للمكتب وشرحت لهم وضعي (شوي عربي و شوي انقليزي و شوي اندونيسي- يعني نمشي الحال)
المهم المكتب صاروا شلة عصابه !! قالي الوصخ الكبير بتاعهم: يو قو هوم !! يعني كرشني وقال فارق لديرتك جوازك باقي عليه 3 شهوور بس ممنوع .. رفيقكم دقته العبره وبغيت ابكي .. .. المهم راح وبقى واحد شكله حبيّب قلت له ابعطيك 200 ريال المهم مني ومنه وافق الذيب لان خويي الثالث حاء ولقاني عندهم في المكتب جالس ابكي وهو يتكلم اندونيسي بطلاقه .. المهم وافق الرجال على 200 ريال ولما طلعت الجواز واعطيته القرووش طب علينا المدير حقهم وبغى ياكلني!! قال لي : يو قو هوم !! الله لا يوفقه يبي يرجعني للديره!! المهم مني ومنهم قالو الا 200 دولار على بالنا ذيابه قلنا لهم ما معنا الا ريالات قالوا مو مشكله اعطونا 1000 ريال !!!! قلنا لهم ليش 200 دولار = 750 ريال قالوا لا 1000 ريال .. المهم رحت لمديرهم وقلت له انت كويس وان شاء الله بتساعدني قال اوكي (آآآي هيلب يو !!! يوو هيلب مي) يعني بزنس تو بزنس ساعدني واساعدك .. المهم بعد 4 ساعات من الوقوف عند الجمارك عطيناهم 500 ريال الله لايوفقهم وخلصنا ورحت للفندق وانا حاقد عليهم ..
(ترى هذا اللي صار بالضبط ولا بالغت فيه ابد !! وهذيك الديره صاروا ما يمشون الا بالقروش الله لا يوفقهم) ..
وسلامتكم .... بانتظار ردودكم وتفاعلكم!! مستعد للرد على اي استفسار ..