q8ya metnaqla
26-09-2022 - 09:28 am
السلام عليكم ورحمه الله وبركاته
بعد التوكل على الله عزمنا نروح روما ولابد من اول شي امر على حبيبه القلب لندن وقت الكريسماس ومن بعدها على روما .
ياشباب ممكن نصايحكم في هالوقت اشلون بروده الجو مثل لندن ولا احر منها اشوي ؟؟
وشلون الامان فيها صراحه اول مره اروح واحس اني ضايعه وقريت التقارير الاعضاء ماشاءالله ماقصروا في المعلومات بس احنا اللي بنروح 3 انا واختي وامي شلون وضعها ؟؟
وبلييز ترشيحات احسن الفنادق فيها ؟؟
واقدر اروح vمناطق اللي بره مثل فلورانس والخ يوم كامل وارجع واذا بروح برج بيزا ؟؟
تنصحون اخذ سايق ويفر فينا الاماكن اللي نبيها ولا لا مايبيلها ؟؟
مده الرحله تقريبا 5 الى 6 ايام .
ممكن مساعدتكم وانا الحين قاعده اسجل الاماكن اللي ابيها واشلون اروح لها بس اذاتوهقت برجع لكم ومنكم نستفيد .
ادري طولت عليكم بس صج اول مره اروح روما وخايفه منها ومشكورين مقدما
شوفي مشرفتنا روما مرة حلوة وراح تستانسون عليها وبتحبونها كثر لندن
السكن خليك حول الدرج الاسباني فية فنادق كثيرة حلوة من ناحية موقع وتسوق وزحمة وامان
عشان تلفون روما مالك الا الباص السياحي ممتع ويوفي بالغرض
من ناحية المدة ممكن تسافرون الى مدينة نابولي وزيارة لجزيرة كابري
وزيارتها ليوم من الصباح والرجوع بالمساء وممكن تزورون فلورنس برضة بيوم
ولو مدة اقامتكم 6ليالي انا اشوف انكم توزعونها لمدينتين يعني روما 4ليالي وليلتين ياتكون فلورنس او نابولي
ولو تبون فكرة اروع خلو رجعتكم من ميلان ويكون توزيع ايامك كما يلي
من لندن لروما 4ليالي ومن روما قطار لميلان 3ساعات وتسكنون ليلتين في ميلان
ميلان تسوق روعة مرة وحركة كفاية انها مدينة الموضة العالمية
الجو بايطاليا اخف برودة من بريطانيا
بالتوفيق