روبي تيوزداي في الافينيوز + عالم الطعام
السلام عليكم
من يومين استأذننا انا و زوجي من الدوام و كان عندنا شغل ... خلصناه و بعدين رحنا السينما في الافينيوز و بعدين جا دور الغدا ...
رحنا للمكان الجديد اللي كله مطاعم ( قلت لكم عنه من قبل ) أسمه عالم الطعام
و فرفرنا على المطاعم الى ان اخترنا روبي تيوزداي
المطعم حلو و أحلى شي ... البطاط المهروس يم يم
بس وناسه ... لا تطوفكم الروحه في ايام الدوامات ... فيه ناس لكن مو زحمه .. هدوء
و السينما ما كان فيها الا احنا و عائلتين
الفلم كان اسمه : رايس تو ويتش ماونتن : فلم خيالي
و ألحين أخليكم مع الصور ...
عالم الطعام يكون بالدور الثاني ...
اطلاله على الدور الارضي :

لاحظوا لوحه صغيره على اليسار .. مكتوب عليها عالم الطعام :

الجهه اللي هناك منوره مكان نفس البلكونه .. تقدرون تأخذون أكلكم و تقعدون فيها ..

المنيو :

منيو المشروبات :

روبي تيوزداي يتكون من دورين
مكان قعدتنا كان بالدور الثاني : مبين بالسهم

اطلالة طاولتنا :

مطعم دندرمه : أعتقد للمأكولات المغربيه :

الاكل :

نيو اورلينز سي فود :
عباره عن فيليه سمك مشوي معاه ربيان بالصوص و بروكلي و عيش

سيرلوين و الربيان المقلي :قلت لها ويل دان : يعني مطبوخه عدل :
عباره عن ستيك لحم معاه ربيان مقلي و بصل مقلي و البطاط المهروس الروعه

الحساب كان 14 و نص الصراحه غالي

و بس