السلام عليكم ورحمة الله وبركاته
كانت مقابلتي يوم الأثنين الماضي في السفارة الأمريكية في جدة
بصراحة ما اتوقعت انه السفارة الأمريكية تكون عشوائية مثل كذا .. اتوقعت راح تكون أحسن من كده بكثير
المهم في البداية اخدت رقم .. بعدين جلست .. وجاء الدور عليا .. واخد الموظف ورقة التأكيد وايصال رسوم السفارة
وأيضا الأي توني فقط !!!
رجعت جلست وبعد شوية نادو عليا اني ابصم اصابعي .. وبعدين رجعت جلست مدة قليلة ..
ومن ثم نادوني عشان المقابلة ..
ورحت عند شباك رقم 2
عند وحدة أمريكية .. أعزكم الله كأنها بعير مو حرمة
سالتني انته متخرج من كم سنة ؟
قلتلها 3 سنين
قالت ايش بتسوي في ال 3 سنين ؟
قلتلها ادرس
ايش ؟
أنجليزي وكمبيوتر
قالت ابوك ايش يشتغل ؟
جاوبتها
فين ؟
جاوبتها
وسألت ليه تبى تدرس طيران ؟
قلتها فور بيست ساليري ان بيست فيوتشرر
بعدين قالت كم عدد أخوانك
وايش يعملو ؟
جاوبتها
بعدين قالت اسفة رفضت طلبك عشان خايفين انك ما ترجع السعودية .
طبعا المقابلة كانت بالأنجليزي
وندمان اني طلبتها بالأنجليزي
المشكلة كانت في وحدة موظفة لبنانية .. مرة عصبية لكده قلت خليها انجليزي احسن
على كل حال حسبي الله ونعم الوكيل .. الله يعوضني خير يارب
ايش رايكم اعيد المحاولة .؟
وكانت عندي مشكلة اني رحت السفارة ومني مسدد السيفس !!
وقلتلهم هناك اني بسدد السيفس عندكم .. الموظف ماشاء الله كان جدا متعاون .. وقالي دقيقة .
وسأل اللبنانية . قامت طالعت فيا . وفتحت عيونها كلها وقالت ما بنقبل سيفس اليوم
ابتمست فيها . وقلت اوك
هل ممكن من اسباب الرفض اني ما سددت السيفس ؟
لأني حاولت قبل المقابلة بيوم ب 3 بطائق ائتمانية .. اني اسدد لكن الموقع يقول البطاقة لا تأذن
هذه تجربتي في السفارة الأمريكية في جدة
افتح باب التعليقات لكم .. والله يكتب لي ولكم الي في الخير