1. وسعره 300 وطالع ..


2. البارك لين :

شوف اخوي
عندك منطقة النايتس برج :
منطقه راقيه وحيه خصوصا الصباح الى بعد الغروب وفيها محلات تجاريه كثيره وفيها شارع سلون ستريت فيه بوتيكات مشهوره وفيه طبعا اشهر مركز تجاري في اوروبا وهو هارودز ..
كما ان المنطقه تزخر بالمطاعم والكافيهات الحلوه ..
الفنادق :

• فيها الشيراتون بارك تاور 5 نجوم ( فندق زين ويطل على الشارع الرئيسي وفيه كوفي شوب مشهور 101 والغرف فيه واسعه )

وسعره من 270 باوند وطالع ..

• كارلتون جميرا 5 نجوم فندق ممتاز وحلو وفيه كوفي شوب يتجمع فيه ربعنا الخليجيين العصاري والمسييان فندق زين وسعر من 300 وطالع ..

اللاوندز جميرا 5 نجوم فندق صغير وحلو وفيه بعد مقهى مشهور والغرف خبري فيها قبل التجديد صغيره ولكن بعد التجديد ماادري

وسعره 300 وطالع ..

• المالينيوم نايتس برج 4 نجوم وهو فندق صغير وزين والغرف فيه صغيره شوي لكن موقعه ممتاز في سلون ستريت شارع فيه بوتيكات وماركات عالميه ويمه مطعم جوز المشهور وسعره هالايام زاد لي 200 بازند وطالع رغم اني شايفه قبل شهرين حق هالصيف ب 130 باوند لكنه زاد !!
• ذي كابيتال فندق صغير جدا يعتبر ( بوتيك هوتيل ) وقريب جدا من هاردز جدا راقي كل شي فيه ماركه من ملاحف وشراشف وصابون وشامبو واثاث الخ ... لكن هالاشيا اشوفها مومهمه كثر الخدمه والبوتيك هوتيل معرف ان موظفينه دايما قليلين لكونه لايوجد فيه غرف كثيره ..مكانه مب حلو في الليل يتواحش وسعره 250 وطالع ..

الواحد فيه

البارك لين :

شارع مشهور مافيه محلات تجاريه لكنه يقع في المنتصف بين نايتس برج واكسفورد التجاريين وفيه فنادق ممتازه وهي :

• الدورجستر : 5 نجوم وهو احد اشهر الفنادق في لندن واوربا ونظامه كلاسيكي ويسكنه الامراء والحكام في الاونه الاخيره اصبح يعمل اوفرات كثيره الى ان وصل سعره الغرفه الى 240 في الاوفر ولكن في الاوقات العاديه قد تحصل في احسن الاحوال على الغرفه ب 400 وطالع ..
• الماريوت (غروفنر هاوس ) 5 نجوم فندق حلو ومجدد وفيه مقهى يتجمع في الناس في اخر الليل .. واسعاره من 250 وطالع ..

هيلتون بارك لين : 5 نجوم فندق حلو وكبير و اسعاره من 200 وطالع ..
الانتركونتيننتال : فندق مجدد يقع في زاويه البارك لين فندق حلو ومودرن وخدمته ممتازه واسعاره من 240 وطالع ..
منطقة شارع الاكسفورد :
هذا اكبر شارع تجاري والمحلات والمراكز التجاريه على يمينك وشمالك لين تتعب :
الفنادق :
فندق ثيسل ماربل ارج : 4 نجوم وهو فندق جيد وغرفه واسعه وخدمته جيده ومكانه حلو واسعاره من 180 وطالع ..
كامبر لاند : فندق 4 نجوم مجدد الغرف ضيقه شوي لكنه حلو ومودرن ومكانه ممتاز جنب ثيسل ماربل ارج واسعاره 180 وطالع ..
واسمح لنا على القصور
ملاحظه الاسعار من خلال خبرتي بهالفنادق وممكن تحصل اوفرات افضل او تكون الفنادق ارفعت اسعارها وشكرا

السلام عليكم
نينو انت كذا

شوف موقع بوكينق
https://www..com/landmark/gb/tate-modern-london.ar.html?aid=1300939

انا جربت cumberland hotel هو اربع نجوم في شارع الاكسفوورد

neno
اول شي ممكن تقبل مني هذي وهذي :x1:
ماشاء الله عليك يالذيب كفو والله
مافيه شي اقدر اقوله غير .. روح ياشيخ الله يسعدك دنيا وآخره
تقبل احتراماتي

موادع1
هلا اخوي موادع شكرا على المرور وكان ودي افادة اكثر لكن يكفيني مرورك هنا
تقبل تحياتي

nonitaa
مراحب اخوي هلا وغلا فيك
بما انك مجرب الكامبرلاند ممكن تعطيني خلاصة تجربتك الله يوفقك من حيث النظافة والمستوى وكل شي
لك مني كل الاحترام

حياة ريجنسي تشرشل ،،، خمس نجوم ...
نظيف وغرفه حلوة وتعاملهم جدا راقي ...
قريب جدا من الاكسفورد ستريت والادجور رود والهايد بارك ..
كان في حدود 1200 ريال سعودي بشهر مايو

القطري
تلميذك .. واذا انت موجود انا اسكت .. من قاعدة ( اذا وجد الماء بطل التيمم )