نوارةUAE
20-10-2022 - 09:12 pm
السلام عليكم جميعاً .....
أخواني اعضاء المنتدى الكرام مثل ما قريتوا في العنوان نعم رديت بعد ما استقريت وياكم عالمخطط وقررنا نبدا ندور عالسكن .... لكني رديت هالمرة أكثر حيرة من قبل .....
والله محتارة وتعبت من كثر ما ادور عن سكن صراحه وهقني ....
جدولننا السابق كان
4 ليال في فيينا
5 زيلامسي
4 ليال ميونيخ
4 ليال لوزيرن
4 ليال انترلاكن
3 رست
واخيراً 5 باريس ...
حجزنا سكن في فيينا وزيلامسي ورست وباريس السكن موجود الحمد لله ....
لكن من كثر ما أيلس عالمنتدى ومن أكثر ما أقرى مواضيع ولأني اتوهقت في السكن .....وبما أني انا اصلا انسانه مترددة غيرت رايي عن المخطط السابق وقلت في نفسي ....
ياحرمه خلج من لوزيرن بما انها قريبه من انترلاكن سيري لها يوم من انترلاكن وماله داعي تسكنين فيها
وغيري سيري جنيف عشان تزورين مدن الريف الفرنسي القريبه احسن .........
المهم تغير المخطط وشلينا لوزيرن وحطينا مكانها جنيف وزدنا ليله لانترلاكن .....
وبعدين بدت الصدمات ........
السكن وهقني وتعبني وخلى راسي يفتر والله تعبت تعبت تعبت تعبت تعبت
في البدايه دورت في لوزيرن وتعبت وغيرت رايي ...
وبعدين في جنيف وتعبت .....
وبعدين في انترلاكن والله صار لي يومين أدور وأدور وأدور في أكثر من موقع المهم اللي يعجبني يكون محجوز ....
والحين من التعب صرت احس انه المخطط مول مب شي ........ واني بوهق ريلي اللي يحليله بيسوق طول الفترة وبيضرب خط من ميونيخ لانترلاكن ومن انترلاكن لجنيف ومن حنيف لرست والله احس اني بتعبه .......
المهم أنا مضايقه وايد واباكم تساعدوني بليز ...... لا تردوني لأنه انتوا وقفتوا معايه في البدايه وما قصرتوا معايه أبداً واكيد الحين ما بتقصرون ....
انا في انتظاركم
مادري في مجال تغيرون او لا بس بما انكم تبون فينا وزيلامس راح ارتبه لك لانو في اماكن مره كثيره رغم انها جنب بعض مثل زيورخ ولوزين
انصحك بالنالي
4ليال في فيينا
5 زيلامسي
4 ليال ميونيخ او لوزين (ممكن من زيورخ زيارة لوزين )
8 ليال انترلاكن
3 رست
واخيراً 5 باريس
او الجدول التالي
4ليال في فيينا
5 زيلامسي
8 ليال انترلاكن
3 رست
4 جنيف او منترو اولوسان جنب بعض
واخيراً 5 باريس
احس الثاني افضل شي وفي مجال تعدلون وتزيدون وتنقصون بالايام حسب الرغبه
والله يسهل اموركم استقري على الجدول ونشوف لك السكن