السلام عليكم ورحمه الله وبركاتة
أحببت أن اسرد لكم رحلتي العائلية الى دوله البساطة ((سوريا الحبيبة)) وأرجو أن ينال ماسوف
اكتبه لكم على استحسانكم وإعجابكم وعذروني على الأسلوب حيث أنني لست بكاتب او حكواتي بل
انسان بسيط يكتب رحلتة التي يعتبرها أجمل رحلة عائلية مرت به ..
الرحلة عائلية ( العبد الفقير لربه وزوجتي وبنتي الصغيره 3سنوات وولدي 8 شهور)
أرجو منكم ان تستفيدو من هذه الرحلة المتواضعة وأن تكتبو أخطائي لأستفيد ويستفيد
منها الجميع ولكم التحية.
في البداية الرحلة كانت بتاريخ 15 -6-1426ه ومدتها 17 يوما
عن طريق البر بواسطة سيارتي :36_15_17: والتي قمت بشحنها من القصيم الى الجوف بمبلغ 400ريال
حيث لم أجد حجزعن طريق الجو الى القريات او طريف والسبب الصيفية وكل عام وأنتم بخير
التذاكر كلفت من مطار القصيم الى الجوف 490 ريال
التريبتك قصيتة ب550 ريال وستغرق نصف ساعة وشروطة هي:.
1- صوره من جواز السفر ورخصة القياده
2- استماره السياره
3- عدم وجود مخالفات مرورية
عند وصولنا الى مطار الجوف تفاجأت بعدم وجود تكاسي او ليموزين مما دعانا للإنتظار لمده نصف ساعة
بس الحمد لله وش ابشركم فيه ليموزين جاي :36_7_8: بس المشكله من راح يركب فيه عدد المسافرين
الي معنا يالله تشيلهم عشر ليموزينات :36_1_42:
بس نحمد الله جت على مانتمنا وقف عندنا يوم شاف العائلة :36_1_13:
كلمتة بكم تودينا لمكتب البسامي 28 كيلو من المطار قال ب60 ريال :36_1_12:
قلت افا ياذا العلم وشلون ب60 والمسافة ماتسوى
قال انت حر تبي تركب ولا أركب غيرك :36_1_28: قلت لا ياخوي انا معك لو تقول بمية
وصلت لمكتب البسامي وستلمت سيارتي والحمد لله كل شي موجود بداخلها عده الطبخ والشنط
وتوكلنا على رب العالمين للقريات 360 كيلو متر من الجوف وستاجرنا هناك استعدادا لرحلة الغد
طبعا أخذت اغراضي كاملة رز وقهوه ومعلبات ومعمول وعصيرات للأطفال
الساعة التاسعة والنصف صباح يوم الجمعة 16-6 اتجهنا لمنفذ الحديثة
وهناك كملنا اجرآت الخروج بعد 45 دقيقة والسبب الزحمة بس الحمد لله كل شي منظم وهذا الي يريح
الواحد وبعده اتجهنا لمنفذ العمري وش اشوف وش هالزين المنفذ صار جديد
بس الإجرآت الا الحين لاتنظيم عشوائيه ولازم تسأل بس الحمد لله دخلنا بسلام وقطعنا الحدود الأردنيه
بإتجاه الحدود السورية بس كالعاده طريق محفر وشاحنات كأن اصحابها في حرب شوارع :36_6_7:
ملاحظه بسيطة أخذو مني مبلغ 55ريال اي مايعادل 9دنانير ونصف والتريبتك الي قاصة مانفع
استغلال من طرفنا وطرفهم والضحية نحن :36_1_29: بس علشانك ياسوريا كل شي يهون :1:
عند المنفذ السوري لاحظت الكركبه وقله التنظيم بس الي اثلج صدري سماعي صوت موظف
الجوازات وهو ينهر احد الخليجيين خبي مصاريك بجيبتك ولا تعيدا :36_1_30:
قلت الحمد لله ياليت الموظفين مثل هالشخص الي رفض البخشيش
المهم عطيتهم الجوازات وبعد نصف ساعة نادوني بالمايكرفون وكأننا بحراج سيارات بس
احسن شي إن الأهل بالسياره مافيه لا مطابقة ولا غيره :6:
طبعا الجمرك أخذ 150 ريال تأمين سياره :36_7_14:
انتهت إجرآت دخولنا الى سوريا وكان التخطيط الى الصلنفة مباشره بس شفت الأولاد تعبانين
قلت عند الله سعة وليش التنكيد نروح لزبداني ونريح هناك كم يوم وكل تأخيره وفيها خيره
وصلنا لمضايا وهي قريبه لزبداني الساعة الرابعة والنصف وستاجرنا هناك بيت 3 غرف وصالة
دور ارضي لمده ثلاث ايام كل يوم
ب3000ليره لليوم عند ابو محمد شخص كبير بالعمر وحبيب وزوجته محترمة وكريمة
بعد مانزلنا العفش رحت على طول وطلعت رقمين واحد لي والثاني لزوجتي الرقم ب400 ليره
والشحن 400 وحده ب310 ليرات :36_13_1:
وبعدها رحت على السفاح :36_1_20: وأخذت من عنده :282: ذاك الخروف الي عيونة عسلية
ب2700 ليره علشان الثلاجة
قضينا ليلتنا شوي انا وأم العيال ولا شوي معلمين اول مره تضبط معي :36_15_24:
تراني امزح الحمد لله بالشوي دايما تضبط معي :15: :15:
من بدري يوم الغد افطرنا على كبده المرحوم :282: وتوجهنا على نبع بردى
اشغلونا هناك الي جايب معه حصان علشان تركبة
ولا الي يبي يسمعك موال :36_2_65:
المهم استاجرت قارب ب700 ليره بدون تحديد وقت يعني متى مابغيت تنزل انزل وبصراحه كان
الجو اكثر من رائع والشرب من النبع يسوى شي واجد :36_1_13:
وكم كانت سعاده الزوجه وبنتي
بهذه الرحلة ولي تكمله قريبه ياساده ياكرام ان شاء الله وعذروني على رداءه الأسلوب والسرد اذا كان ممل
فتحملوني
ولكم تحياتي .