الله يعطيك الصحة والعافية ويسهل سفرك..
بس اخوي ليه الشحططة هذي..من الغرب الى الشرق ثم العكس..
واي تعب زايد..
انا الان افكر بسفرة في الصيف ومابي الشحططة ذي..
وقاعدة ادرسها مزبوط..
عموما الله يسهل امرك وتلاقي اجابة شافية..
بس نصيحة فكر تستقر بمكان فيه مقومات الرحلة الناجحة..
ويسعدك ربي..

حلو تخطيطك
اخترت احسن البلدان الأوروبيه بس ابقولك أقتراحي وخط السير اللي بيكون اريح لك
لندن > فرنسا > بلجيكا > هولندا > المانيا > النمسا > ايطاليا > سويسرا > اسبانيا > البرتغال > لندن

مرحبا اخوي سوري بس في استفسار ضروري اترد عليه
انت بتسافر اي سنه 2011 ولا 2012 علشان اعرف لان لو 2012 فوايد بدري انك اتخطط من الحين
وثاني شي الدول الي انت كاتبها حلوة بس انك اتروح لها كلها مره وحده انا ضد هشي
وانا اقتراحي ليش ما اتفكر في استراليا لانها رائعه وبتصلح لكم لان فيها مدن ملاهي والعاب وشواطى وسوق وثلوج ورحلات وراح تستمتعون
واذا انت مومقتنع انصحك اتروح لاوربا عن طريق قروب سياحي لان بوديكم لاحسن الاماكن في الدول وبسويلكم جدول حلو وفي اوقات تقدرون تقضونها ابروحكم بعد
واذا بعد ماتبون انا اشوف اتخلون السفره
لندن باريس سويسرا
او العكس وانا فضل العكس الوصول سويسرا وبعدها باريس وبعدها لندن
وعلى فكره هسنه رمضان بكون في اول شهر اوغست لهشي ديربالك يعني اطلعو اول شهر جولاي وارجعو اول اوغست او نهاية جولاي
وغريب انك ماكنت اتسافر في الصيف قبل اشلون متحمل حر الدوحه والصراحه حلات السفر بصيف صح الشتى سفراته حلوة بس حدها اسبوع اما الصيف تقدر تاخذ راحتك ومنها اتفارج حر الدوحه
انا هاي اقتراحاتي المبدئية
واي استفسار انا بلخدمة

1. نبتدي بمشرفتنا نونا

الله يعطيكم العافيه اخواني على الكلام الطيب جميعاً

نبتدي بمشرفتنا نونا

للامانه هي كانت تجربه وحده وقلنا نجرب نروح بلاد الغرب وبعدها نتجه لبلاد الشرق صحيح ممتعه لكن متعبه .. ومشكوره على تجاوبج
هلا والله اخوي خليجنا .. والله ياخوي للأمانه هي من الدول المعروفه والي اشوف لها تفاعل من السياح في المنتدى وخارج المنتدى لكن انا قلت ( صعبه اسافر للدول هذي كلها في شهر واحد ) ههه مستحيل طبعاً راح استانس عشان جي قلت اختارولي الدول الي العالم تفضلها والي راح احس فيها بمتعه سواء مناطق او وجهات سياحيه معينه مثلا ( باريس يومين - النمسا 3 ايام .. الخ ) طبعا بحكم عدم معرفتي بالمناطق فصعب اقرر كل مدينه كم يوم اقدر اقعد فيها
هلا والله اخوي حلو ومدلع طبعا مستحيل يكون التخطيط من الحين حق 2011 ههه لو جذي كان شفت اصلا حجوازتي من زمان جاهزه لا انا اجهز حق 2012
ثاني شي بخصوص سفرات الشتاء هي للامانه حلوه وممتعه ولكن امانه على الي سمعته ان الصيف ماتحس بمتعه السفر بحكم ان كل السياح عرب وغير هذا وقت الصيف كل شي يرتفع عكس الشتاء الي الاسعار دائما مخفضه ثانياً الصيف بالدوحه تكون فاضيه وتروح حراره الصيف لاني افتكيت من الزحمه لول
للأمانه اخوي انا حالياً افكر اخلص من اوربا حتى اتوجه بعدها لامريكا اما استراليا للامانه كان المفروض اتوجه لها السنه هذي 2011 بدل تايلند ولكن شائت الاقدار اني اتراجع والحمدالله تراجعت مثل ما انت شايف الفياضانات وماشابه
ومثل ماقلت انت بخصوص رمضان هو اكيد راح يكون السنه الجايه في 20 يوليو تقريباً عشان جي بتكون رحلتنا في بدايه يونيو
مشكورين جميعا

زين ما راح يكفيك يعني بعض الدول يبيلها اسبوع واحد وياليت تكفي
ونفس ما قال خيرنا بدري علي 2012 تقدر تقرى تقارير من بدري وترسم ايش ناوين

مدري احس الدول كثيرة مررة ماراح تستمتع مرة
الافضل تختصرها على ثلاث اربع دول
مثلا النمسا ايطاليا سويسرا فرنسا
راح تجمع بين الطبيعة والتسوق والسياحة
والله يسهل لك

والله اخوي انا الي مستغرب منك تدري انا بسافر شهر 7 ومستحي اكتب موضوع استفسار اخاف يقولون لي تو الناس
انا مااحب اخطط من بدري وايد وبعد مااحب اروح على اخر الوقت يعني حلاتها من شهر 5 تبتدي اتجهز اذا انت بتسافر شهر 7 اقل شي حزتها بتعرف ميزانيتك ظروفك اجازتك
ماتدري يصير مايصير استغفرالله من يصدق لي صاير في الوطن العربي 4 شهور وانقلبت كل الدول العربيه مظاهرات وذبح وغيره لو اتقولي قبل 4 شهور عن الي صار ماكن ماصدقت لهشي اقولك لا اتعور راسك وريج عمرك وترا الاسعار ماتتغير وايد لان بعد الشركات اتسوي عروض في الصيف توصل ل 50% انا اعرف واحد حجز من قبل سنه واسعاره اغلى من الي حجز تو
انت الي المفروظ اتسويه اتابع بس المعارض السياحيه واتابع العروض واحجز فترت العروض لان احيانا في عروض خياليه ماتتصورها مره الاتحاد سوت عرش البزنس بسعر السياحيه لستراليا تخيل يعني خصم على تذكرت البزنس فوق 70% وكان لمدة 10 ايام بس لهشي اقولك انتبه على العروض احسن لك
ومثل ما قلت لك اذا بصيف روح استراليا لان وقت صيفنا بكون شتى عندهم وبراد ودوله رائعه واسال مجرب
وارخص من اوربا واحلى بنسبة لي او امريكا الا مثل ماقلت لك لو انت مصر روح للندن وباريس وجنيف
واذا بتقدر تقعد لين بداية رمضان فانصحك مااتفوت حضور افتتاح اولمبيات لندن 2012 انا من الحين حجزت 4 تذاكر مع ان مادري اذا حد بروح وياي ولا لا
واي استفسار انا بلخدمة