1. بوابة الخروج من البندر بالقارب


2. الشاليهات واضحه بصوره ورى للي يحب يسكن بالبندر ..

بسم الله الرحمن الرحيم
البحرين كانت جزيره تحيط بها المياه من جميع الجهات
و لكن التوسع العمراني و...و..و
جعل البلد تحيط بها الاسوار من جميع الجهات واصبح الوصول لشاطئ نظيف شي صعب ..
المهم منتجع البندر يعتبر فندق و نادي مائي و رياضي
امس رحنا رحله بحريه طلعنا من منتجع البندر بمنطقه ستره و أخذنا قاربنا الى جزر الدار (fokland )
للي حاب يروح نفس هالرحله يوجد تاكسي بحري ينقل الركاب من منتجع البندر الى جزر الدار مسافه 5 دقائق فقط ..
اتركم مع تصوير خالتي للرحله
دخول بوابة البندر

بوابة الخروج من البندر بالقارب

الشاليهات واضحه بصوره ورى للي يحب يسكن بالبندر ..

في شاليهات ب3 احجام .. تبدي من الكبائن المكونه من غرفة وحده بعزكم الله الحمام او بارت صغير بالغرفه فيه ثلاجه .. وملحقات الغرف مثل اي غرفة في فندق .. وبلكونه صغيره .. الاسعار متفاوته على حسب الفتره تصل اعلاها الى 50 دينار بحريني ..
او في شاليهات بأحجام اكبر متكونه من طابقين .. صاله او مطبخ .. او بلكونه مطله عالبحر مباشره ..
او غرفة نوم كبيره نسبياً مع حمامها .. ينفع هالحجم للعائلات الصغيره .. او اسعارهم تصل الى 120 دينار لليله ..
وفي شاليه بنفس المواصفات لكن فيه حمام سباحه خاص .. يصل سعر الشاليه الى 350 دينار ..
وطبعا خدمة الغرف موجوده بكل الشاليهات ..
المهم .. مرفقات المنتجع .. مطاعم متفاوته .. العاب داخليه او خارجيه للاطفال ..
بعض الالعاب المائيه .. برك سباحه (مغلقه حالياً للصيانه ويقال انهم بيبنون قريبا اكبر حمام سباحه فالبحرين فالمنتجع قريباً) ..
نكمل رحلتنا ..
طار فينا لجزر الدار .. :112:
دخول جزر الدار عليه رسوم و بصراحه كانت مرتبه و نظيفه و فيها كلشي
الاستقبال
المطعم
الصيد .. وطبعا كل واحد ايودي اغراضه معاه
مطبخ القارب .. صغير لكن يأدي الغرض ..
الشيخ عيسى بن راشد في التلفزيون ,, سواالفه اتونس
كاتب كلمات ..
من خلقت الدنيا و أحنا هل البحرين بالجود و يا الكرم و العز معروفين
و كلمات أغنيه .. يالزينه ذكريني لي غيبتني بحور .. وبشوق لاقيني يمكن الدنيا تدور ..
السمك اللي صدناه ..
بعدين طلعنا نتمشى بالبحر اندور الدلفين
طلعو لكن ما اللحق اصورهم

و هني خلاص وداعاً جزر الدار ..
الصور من تصوير خالتي ..
اتمنى يعجبكم التقرير ..
((( تم تعديل الصور من قبل الإدارة )))