باسم الله ما شاء الله بداية موفقة وبكل صراحة متشوق جداً لإكمال التقرير .
لأن مطار لومباشا توقفنا فيه عند ذهابنا لملاوي ورأيت قمة التخلف والبدائية في أرض المطار ويوجد في تقرير رحلتي بعض الصور ويمكنك الاطلاع عليها ، حتى المدرج الخاص بالطائرة فيه حفر كادت تحرف مسار طائرتنا ، لكن ربك ستر والحمد لله ، لا تتأخر علينا فعنوان تقريرك مشوق من بدايته .
أخوك .

تقرير مشوق للغاية اخوي الكريم
وبداية قوية ..
منتظرين ابداعاتك ..

asim151
اخي asim151 شاكر لك المرور بس ترا انا رحت الكنقو سياره ما تجراة مثلك ورحت على الطياره على الكنقو
لاني كان قبلها بثلاث شهور سقطت طائره ففضلا ان اذهب بسياره
و رايت في الكنقو المدرج ترابي او شبه ترابي في مدينه اسمها بيني و رجعت منها بسياره ايضا
فمطار لومباشا لم امر به و لم اسمع به الا منك فجزاك الله خيرا
و تقبل مني اجمل تحيه اخي العزيز

foxx109
و انا اشكرك ايضا على لباقتك العاليه و الروح اللي بثيتها فيني
فشكرا لك اخي

1. المهم خلصنا من الفندق الغير صالح لاستخدام الادمي ..........


2. المهم خلصنا اورقنا من الجمارك الاوغنديه و ذهبنا الى الجمارك الكنقوليه


3. و كان طريق الكنقو الدولي ترابي و ترابي خايس

بسم الله الرحمن الرحيم
الجزء الثاني
نبتدئ على بركته
و حينما خرجنا من السفاره امسك بنا القنصل و قال لازم تاكلون واجبكم و الاح علينا كثيراً و لكن ما نبي نكلف عليكم
قال يبو الضبيحه هنا ارخص من الدجاج في السعوديه و لكن تمكنا في ان لا نوافق على العزيمه فكان لنا ما اردنا
خرجنا من السفاره هذا اليوم الساعه 11 صباحا و رحلتنا بكره والان لايوجد شي عندنا قال المترجم لما لا نتمشى وقد اخبرونا السفار بالاماكن الحلو في اوغندا و استاجر لنا المترجم وهو اسمه عبدالعزيز سياره ب 60000 شلن اوغندي
يعني 140 ريال تقريبا الى نهاية اليوم و هذا اليوم يوافق الثلاثاء و ذهبنا الى بحيرة فكتوريا و منبع النيل فيها
و كان يبعد عن العاصمه تقريباً 90 كيلو يعني بجوار المطار الدولي او قريبه من و لكن من الجهه الاخرى فستمتعنا بالجو الغائم
لانه لو فيه شمس يكون الجو شبه حار لان المنطقه استوائيه و الشمس عاموديه و اكلت سمكه من نهر النيل طازجه
من النهر الى الفرن و الى الان اتطعم طعمها ( تعبير مجازي )
المهم استمتعنا استمتاع و رجعنا الى العاصمه بعد صلاة العشا
و اوعدنا هذا السائق ان ينقلنا الى الحدود الكنقوليه التي تبعد 600 كيلو تقريبا
على ان ياتي لنا بعد صلاة الفجر مباشر
صلينا العشا و المغرب جمعنا وقصرا و نمنا و عند اذان الفجر و اذا بنا على قدر من الصحيان العالي جدا
تعرف اللي عنده سفر و ديره ما يعرفها فتجد النشاط العالي جداً و هذا ماكنا نتميز به في ذاك اليوم
جاءنا السائق كما اوعدناه مع تاخير 20 دقيقه و هذا التاخير في الطيران لا يعتد به

المهم خلصنا من الفندق الغير صالح لاستخدام الادمي ..........

مشينا الساعه تقريبا 6:30 ص من كمبالا و بعد الخروج منها مباشره قلنا للسائق شف لنا سوبر ماركت نتقضى منه لاوازم
السفر و توقفنا عند اقرب سوبر ماركت و لم نجد فيه الا و العياذ بالله الخمر و لم نجد عند شي يذكر سوا الخمر الا عصير برتقال و شربنا منه قليلا ثم بعد ذلك رميناه ( ماتدري العيب فينا و الا فيهم هل مذاقنا هو الغير جيد والا مذاقهم )
هذا ما بحثت عنه طوال سفرنا و تحققت منه و ساذكره في اخر الموضوع ان شاء الله
اكملنا المشوار و كانت سرعت السياره من80 الى 90 فقط و تزيد قليلا و لكن في حالات لا تذكر
و كان الطريق ملئيه بالحفر العميقه و المطبات و الحاله ما يعلمها الا الله عز وجل
و عندما صارت الساعه 8 ص توقفت السياره بلا مقدمات فقلنا ما بها فقال السائق
الراديتر فاضي اثر الباشا ما شيك لا على الراديتر و لا على الزيت قلت حبيبي قال ترا دائما كذا اذا فضى الراديتر تطفى السياره اتوماتك
قلت زين المهم شيكت انا بنفسي و ابو حصه و زبطناها له وشغلنها
و مشى الحال الى ان احسسنا بجوع و كانت الساعه 10 ص قلنا ايش رايكم نتوقف و نفطر
و بعض ذاك نكمل المشوار فكان لنا ذلك دخلنا الى مطعم على جانب الطريق و وجدنا صاحبته وبناتها من يعمل في هذا المطعم و قدمو لنا الفطور و هو عباره عن بيض مقلي و جبنه الجبنه عندهم على فكره هي الزبده
عندنا و فقعو بطني بهذي الجبنه و طبعا شاهي يزيل دسم الجبنه و كان المطعم متسخ و الذين يقدمون الطعام بنات طبعا بس ريحتهم من بعد كيلو تشمها و الله يعين ازواجهم ( طبعا انا انقل واقع و لا استهزء باحد )
و بعد هذا الافطار اكملنا الطريق الى وصلنا الحدود الاوغنديه الكنقوليه و كان الوقت الساعه 2 مساء و كان الحد الفاصل هو نهر بين الدولتين
طبعا يا اخوان الصور كلها كانت معي بس تسلط علي سارق في السعوديه بعد ما رجعنا و سرق الكميرا
و ضاعت معه الصور و المقاطع الفيديو و الحمد لله على كل حال

المهم خلصنا اورقنا من الجمارك الاوغنديه و ذهبنا الى الجمارك الكنقوليه

و كان طريق الكنقو الدولي ترابي و ترابي خايس

و هنا تبدا المعاناه والماساه طبعا نحن كنا متوقعين ذلك بس قلنا معنا واحد منهم راح يخفف عنا الكثير و لكن اكتشفنا انه هو معنا في المعامله و لا يعطون تقدير للضيوف و لا لاهل البلد معا حينما ادخلنا اوراقنا قال لنا الموظف اصبر دقيقه
نراجع الاوراق و تاخرو تقريبا ساعتين و جانا الموظف قال انت يقصدني عليك ملاحظه على الجهاز وزميلك الاخر يعني ابو حصه ما يدخل افا ليه من هنا الى هنا اعطيناه 20 دولاراً طبعا قعدنا نفاصل فيه كان يبي 50 دولار و لكن سوى لنا دسكاون
و عطينا غترة ابو حصه و عقاله و ابو حصه متحسف انه اعطاه طبعا ليس بخلا ولكن لانها ذهبت من عنده بغير رضاه
و للرجل لا يستحقها المهم خلصنا من عندهم قبل المغرب 10 دقائق فقط و حصل لنا مضايقات داخل الجمرك
في حاجات لا تذكر كل واحد يبغى يستفيد منك لانك كنز عندهم سعودي ابو البترول كله و صيده ما تجي الا كل 100 سنه
طبعا فيه مغني كنقولي غنى انه راح الى السعوديه وجاء الكنقو و معه فلوس كثيره لانه كان عنده بير بترول في البيت فا هم يقولون انتم اهل البلد اكيد عنك بير بترول .
اول ما طلعنا من الجمرك داخلين الكنقو و جدنا شباب في عمر 18 و 19 حاطين حاجز و وقفونا قالو ادفعو حق الطريق
قلت كيف انتم سويتو الطريق قلو لا قلت طيب ليه تطالبون بذلك قالو تبغى تدفع والا لا قلت خلاص ادفع كم تبون قالو دولار
فقط دولار قلت في نفسي الله لا يغير علينا نعمه يارب اعطيناه دولار كما قال و ذهبنا 30 كيلو واذا فيه و احد حاط حاجز و معلق عليه رشاش و جلس جنبه و يشرب زجاره طبعا الان حل الضلام الدامس و اوقفنا و اعطاه السائق من دون ان يرجع لنا دولارا و تعرفون لو ما دفعت كان يعطيك طلقه ولا فكر بعد و الحمد لله على نعمت الامن والامان و بعد ذلك 20 كيلو تعطلت السياره و كنا والله لا نرى ايدينا من شدة الضلام الدامس و نزلنا من السياره و تعطلت السياره بجوار قريه و اهلها يشفون انوارنا و انوار الكشافات و هم يبعدون عنا 20 متر فقط و قلت نذهب الى هولاء يصلحون السياره قال المترجع اذا رحت لن ترجع ابدا الا بمعجزه الاهيه و كان الناس يمشون بجوارنا و لا احد يقول مساعده و اسغربت و في هذه اللحظه
عرفت قدر العرب والعروبه العربه و في هذه اللحظه حصل موقف ظريف
سمعنا ارتطام بالسياره من الخلف و اسرعنا ننظر ماهو فاذا هو رجل سكران على دباب وصل حد الثماله و هو يصيح
و اركبته دبابه انا وابو حصه واكل كفين عشان يصحصح و شغلنا له النور و نفعوه الكفين صحصح شوي
اشغلنا السياره و مشينا الى ان لم يبقى على مدينة بيني 50 كيلو فقط و اذا بنا على نقطة تفتيش للجيش الكنقولي
و قال هذه النقطه تاخذ 20 دولار قلت انا وابو حصه لن ندفع حفينا من اليوم وحنا ندفع هذا جيش و لو هددناهم بالسفاره السعوديه يمكن يفكونا او يعفو عنا طبعا السائق و المترجم حاولو انه يثنوننا عن راينا ولكن هذه من الاخطاء اللي الحمد الله استفدنا منها
جاء العسكري قال 20 دولار قال السائق ما عندي قال خلي اللي معك يدفعون قال رافضين طبعا هذا الكلام كله في الضلام الدامس و قال منهم هذولا اللي يرفضون و جاب كشاف و كشف علينا شاف الوجيه مختلفه و جديد قال من هولاء قال من السعوديه و ليته ما قالها قال حبيبي عاد هو مقفل على سيارات قدامنا فلم رانا قال اليوم عط كل السيارات اعفا الا سيارة
البهوات السعوديين قال العسكري حاضر فكنا رحمة انزلها الله على السياراة الاخرى و قال انتم تطلعون 1000 دولار
افا !! ايش هذا الكلام و قال المترجم هولاء طلاب و ماعندهم فلوس من هنا الى هنا كان الدفع 100 دولار فقط
يعني لو سمعنا الكلام كان دفعنا 20 وريحنا خاطرنا المهم اخذنا عندهم ساعتين
و بعد ما شاف اننا ما نبي ندفع قال ترا هي طلقه واقول انك تعديتو علينا وتخلص السالفه
يوم شفنا السالفه كذا تفاوضنا معه قبلها كنا رافضين اصلاً التفاوض طبعا اسلوب عربي ما ينفعه معه الا النار
و كنا خايفين منهم سراحه انهم يقتلوننا و ياخذون الفلوس التي معنا ايضا فقلنا نرضى بذلك
و ذهبنا من عندهم الى بيني و المساءه مازالت نكملها في الحلقه القادمه

احداث مخيفه جداً ومغامرة غير محسوبه !!!
كيف رضيت انك تخرج في الليل ؟

قلوب أسود وحقاً رحلة موت كما سميتها .
يا غالي الكنغوليين من أشد الأفارقة بأساً وأسوئهم تعاملاً بحسب ما هو متعارف عند أهالي أفريقيا الشرقية .
أكمل الرحلة وبصراحة كان ينقصها الصور ، ولكن العوض ولا القطيعة !!!

ما شاء الله عليك
أكمل وحنا معك في الأحداث
بس الصراحة لو عني أنا ، والله اللي ما طبيتها.

بصراحة عشت معاك جو المغامرة
الحمدلله انكم رجعتم سالمين
الدرس المستفاد هو التخطيط السليم حتى و ان كان معكم واحد من اهل البلد
تابع اخي الكريم، فالموضوع شيق و ان كان من غير صور