1. بسم الله الرحمن الرحيم


2. صورة احد الالعاب المائيه وهي نازله من اعلى .

بسم الله الرحمن الرحيم

والصلام على اشرف الانبياء والمرسلين نبينا محمد عليه افضل الصلاة والتسليم اما بعد .......
ابتداء الشتاء القارص في منطقتنا وبداء علينا الخوف من شدته وخصوصاً اصحاب الصدور الجميله المصابه بالربو ( صدر هالدجاجه المشويه ) تكفون ......المهم تجمع الاصحاب فى الاستراحه وامام ابريق حليب ممزوجاً بقليل من الفلفل والملح ....احياناً المعزب يزعل ويكثر الزنجبيل موعلشان ندفا لا لا لا علشان الحلوق تحترق ولا احد يطول صوته بالاستراحه ( يعنى لايزئر الا اللي ماشرب ) .
المهم في احد الاحاديث والتنقل من موضوع الى موضوع طراء علينا موضوع السفر والسياحه اين وكيف ومتى ومن معنا وايش ناخذ معنا و ياكثر الواوات .
كنا ثلاثه ورابعنا البرد القارص اتفقنا على السفر بين المغرب او اندونيسيا ( بلاد العمه ) كما يقال طبعاً انا محدثكم وغاثكم وقاعد على قلوبكم ومعاي ( ابو دانه ) لم يسبق لنا وان سافرنا الى كلا الدولتين ونحن في الخيار اما الثالث فقد ذهب اليهما واخرهما بلاد العمه .....
اتفقنا على الذهاب الى بلاد العمه وتم الحجز لنا اثنان وتركنا ابوالعريف بحجز لوحده علشان انه مطورى ( بالقاموس معنى مطورى يعني كل يوم له راي ) لا اطول عليكم اخذنا نعد الليالي والايام ونتصفح ونكتب ونطلب و الين حان الموعد للرحله ...........................اقعد به كيف الحين نصرف صبايا الحارة (متأثر بباب الحارة ) قلنا نفقش البيضه ونشوف ايش يطلع صوص او ؟؟؟؟؟؟؟؟ طبعاً محدثكم خواف خواف من نسمة الهواء مو عاد ام العيال لفينا على الدوار وطلبنا شوية عشاء سفري من ماكدونالدز اسف اعتقد طلعة من الموضوع شوي ( طبعاً جايع وانا اكتب الموضوع ) لذا لزم التنويه المهم اخذنا لنا كم طقه وكم كلمه حلوه وان من وراء الباب منخش لين هدا البحر ورضخت للامر الواقع وان ابدا بالدبلوماسيه في مثل هذه الاوقات الين اتى الفرج من عند الله والموافقه الصريحة من وزارة الداخليه المنزليه اطال الله عمرها وجعلها لنا ذخراً ................والله خواف ...........
كانت الرحله يوم الثلاثاء 10/7 /1428 الساعه العاشرة من حائل الى الرياض طبعاً على طيران السعوديه ( وعندنا غيره ) ومن الرياض الى ابوظبي الساعه الرابعة عصراً ومن ابوظبي الى جاكرتا الساعة الثانية صباحاً متعه ايه هين متعه تعب بس بالانتظار المهم الخطوط الله يسلمكم كانت على الاتحاد وكانت التذكرة التي تم قطعها لابودانه 2330 ريال قبل الرحله بثلاث شهور اما انا ب 3200 ريال الفرق كبير ....ونفس الحجز والسبب اني تاخرت ماخذت التذكرة الا قبل الرحله ب 10 ايام . طبعا كما قلت المطورى انسحب وتزوج الثانيه الحيوان , سبحان الله من رحله الى زواج والله قوي وقلبه حديد .
المهم اقلعنا من حائل وهذي الصور للمزارع بين حائل والقصيم
وهذه لحظة الوصول الى مطار الملك خالد بالرياض
صورة النافورة بالصالة الدوليه للرحلات الاجنبيه بالمطار
طبعاً هذه طائرة خطوط الاتحاد الناقل الرسمي لرحلتنا
الطائرة من الداخل .
وصلنا ابوظبي وهذه السوق الحرة بالمطار والانتظار لاكثر من 5 ساعات للرحله
جاء الفرج ورحنا للبوابه 21 للاقلاع الساعه 2 صباحاً .
والله وطفو الانوار وحان وقت الصلاة ( اسف وقت النوم )
ويابعدك ياندونيسيا ...
خدمة الشاشات الاماميه بالطائرة والله ويازينك من خدمه يروح الملل والتعب .
ويالله وصلنا جاكرتا وهذا المطار .
وهي لقطه للي مستحقر سيارته شوف وسيلة النقل عندهم .
المهم وصلنا للمطار وذهبنا الى مكتب كاها واستأجرنا فندق اقاصي لشخصين بغرفه 65 دولار وهو فئه 4 نجوم .
هذا شكل الغرفه والاسره ونحط روسنا ( روس هالخرفان النجظانه ) من العصر الساعه 5 الى الصباح الساعة 7 والله ونرج لك الاهل به الاتصالات ايش الاخبار وكيف الحال ويصير الوقت الساعه 3 بتوقيت الرياض .
صورة من النافذه والاخوان توهم صاحين الصباح .
صورة للشارع من نافذه المطعم العلوي .
ابو دانه متحيزم بهالدولارات ويويلك ياللى تعاديه او تقرب بجنبه ويحشي من هالكروسان .
صورة للمسبح .
ونسير وبسرعه الصبح على بالنا والله دبلوماسيين للسفارة ونسجل ( تكفون يالهوامير ) المهم التقط ابو دانه الصوره باخر لحظه قبل الدخول .
وبعدها ونطلع من الفندق ونروح لحديقة فنتازيا طبعاً بهرجه وسروات على لا شي .المهم هذه صورة التمثال بالساحة الوسطيه للحديقه .
صورة اخرى

صورة احد الالعاب المائيه وهي نازله من اعلى .

وبعدها ياكل احد الشباب المقلب ويركبه الحق لانه تحدى ابودانه بان يسافر لوحده دون الوايف ( احلى تعرف انقليزي يالليد ) المهم اتفاجاء وكاد ان يغمى عليه من كثر الضحك والوناسه ممزوجه بشوي خرعه وتوهيقه المهم تخاوينا للجبل وهم سابقينا باسبوع وساكنين بهالفيلا
ونسكن اول ليلتين والثالثه ننزل لفيلتنا اللي فضت من النزلاء وقرب المسبح ( صورة الفيلا من اعلاء
صورة لجلسة امام الفلل في الصباح الباكر .
والله وينظفون المسبح كل صباح لابودانه السباح ( بدون تعليق )
صورة من المسبح للفيلا العلويه .
والاخوان مايقصرون وبيروحون للغنم وياخذون ذاك التيس اللي يبكي عليه برميل المندي بالاستراحه ويضيفونا ونفصفصه فصفصه الله يخارجنا . صورة لمزرعة التيوس والخرفان .
للموضوع بقية ...