صباح الخير يامنتدى العربان المسافرين
هذا اول تقرير اكتبه بالمنتدى اخذت اوف من الدوام عشانكم وش رايكم بس ؟ تو جاي وقلت اكتب فرش انفورميشن يالله نستعين بالله
هولندا بلد عجيب غريب احد ركائز الاتحاد الاوروبي وقوة عظمى سابقا والان تحتل مكانة امريكا في اوروبا بحيث يجمع هذا البلد تنوع ثقافي عجيب ومن كل الثقافات
خططت للذهاب لهولندا عن طريق الطيران KLM ةبتذكرة الكترونيه شريتها وطبعتها وبدون وجع راس
طبعا طلعت من جده-دبي-براغ-امستردام والحمدلله راحه بجميع الخطوط
(نصيحه تجنبوا اسطنبول باي شكل ممكن راح تندمون لو نزلتوا ترانزيت في تركيا )
بعد وصولي اخذت السب وي (قطار الانفاق) لوسط المدينه ( city center) وبعدها سئلت عن موقع الفندق (NH city north) وطلعت له فورا بالباص(فندق بعيد شوي بس سعره ممتاز)
نصيحه = اشتروا بطاقة المترو 5 lines بتطلع عليكم رخيصه 6 يورو وفيها 8 سفريات
بتلاقونها بالاكشاك لونها ازرق طويله وتنفع للترام او الباص بدون تحديدطبعا انصح جميع المسافرين وخصوصا لهولندا يحددون اهدافهم من قبل السفر
لان هولندا بلد المتاحف وتاريخيا غنيه بالاثار وغيرها
انا حطيت في بالي Dam Square/ Van Gough musem/city tour by bus
طبعا قررنا لاحقا انا وزميلي نروح حديقة الحيوانات Artess zoo
ومتحف الثقافه Tropen
( فيه تقرير حلو مفصل كتبته احدى الاخوات جدا حلو)
مافضيت اروح الريد لايت ولا مدام توسو بروحهم انشالله في لندن ازيناشياء لازم تعملها في هولندا
جرب تاكل الجبنه وشتريلك قطعه خذها للبيت
جرب التور السياحي بالباص وسمع عن تاريخ المدينه ولا تكون اقنورنت اذا كنت ابوعراب لا تروح اماكن متطوره لان العالم هناك شوي اخلاقهم تجاريه ولا يجاوبون عليك علي سيرة شايفين حالهم
اذا كنت شاب ولوحدك او مع مجموعه جرب تسكن في هوستيل رخيص وممتاز وتتعرف فيه علي ناس عجيبه انصح بال
Flying pig hostel downtown
طبعا لا تفكر تروح خارج البلد عموما وهولندا خصوصا اذا ماتعرف انجليزي
جرب رحلة القناة بالقارب المغطى رومنسي شوي بس عادي وزع ابتسامات
الشوبينق هناك غالي والعالم تتداول اليورو بنفس طريقتنا مع الريال يعني الكولا بواحد يورو
بمعنى احسب حسابك انك بتصرف مبلغ كبير مقارنه بالدول العربيه او حتى التشيك
مصروفي اليومي تقريبا كان حدود 100 يورو بدون فندق ولا تسوق
اذا كنت رياضي لاتفوتك زيارة نادي امستردام
اذا كنت مدخن لا تاخذ سيجاره من اي احد الحشيش والمارجويانا تباع مثل الفصفص( الحبّ
احرص علي معرفة الاحوال الجوية لاني تجمدت من البرد -2 تحت الصفر
ومن قوة الهوا انكسرت مظلتي وطارت وضحكوا علي الخلق
يوم مطر ثلجي ويوم مطر عادي تحتاج بوت عشان لا تزلق
تقريبا هذ الي يحضرني
اي سؤال انا حاضر وبالتوفيق للجميع