1. السلام عليكم

السلام عليكم

قاعد افكر لمدة 3 اشهر ما اعرف وين اسافر اورح لدولة عربية نفس الشي طفش وحر اروح اندونيسيا لحالى وما اعرفها شوي صعبة تركيا ما فكرت اروح لها نصحوني ناس اروح لها فقررت اروح المغرب لوحدي خفت اخذ معي واحد يخرب جوي في السفرة فقررت اروح لوحدي صرت ادخل منتديات الخاصة في السفر واشوف تقارير عن رحلاتهم صراحة فيها فائدة كثير انا قلت اول مرة لازم اخذ فندق افضل وامان احسن ما اخذ شقة لوحدي ودولة ما اعرف عنها شي مقامرة شوي
حجزت قبل السفر 15 يوم وكانت التذكرة يعني شوي غالية 3550 ريال ذهاب وعودة
لو حاجز قبل كان ارخص ملاحظة اذا ناوي تسافر احجز قبل السفر بشهرين او اكثر واعرف الحجز لو فكرت تلغي يرجع لك الفلوس ولا ما يرجع في بعض الحجز ما تقدر تاخذ المبلغ يعني يروح عليك لو لا سمح الله صارت لك ضروف ما تقدر تسافر وحبيت ترجع فلوسك يرفضو وفي بعض الرحلات تقدر قبل الرحلة تلغي الحجز ويخصمو قليل ما اعرف كم بتفصيل
الزبدة
يوم حجزت التذكرة كان المكتب في السليمانية حاولت احجز عن طريق الفيزا رفض اكثر من مرة
وزين رفض ترا عمولة المكتب 30 ريال لا تفكرو غالي انا كنت افكر غالي وريحت بالي من المكتب وعرفت كم اشيل كيلو وتقدر تختار المقعد وكل شي
بعدها قلت كيف نحجز فندق
لان تعرفو الفنادق لهم 3 تسعيرات افضل تسعيرة على النت لان انت عميل غير مضمون فيعطونك
سعر مرة قوي فرق لما تروح للفندق بنفسك
1- اغلي سعر لما تروح تحجز للفندق بنفسك ما انصحكم فيه
2- الحجز عن طريق التلفون كويس بس في افضل منة
3- الحجز عن طريق مواقع الانترنت وراح تحصل سعر قوي مرة
اعطيكم امثلة على المواقع المشهورة لحجز الفنادق من على الانترنت
الافضل هذا ميزتة انه يعطيك سعر الاجمالي مع الضرائب بضبط ويفضل تدفعو للفندق عن الباي بال
او الفيزا احسن لكم تقدرو تلغو لو صارت لكم ضروف قبل الوصول بثلاث ايام وترجع الفلوس كاملة
http://www.agoda.ae/
وهذا الثاني مشهور وحلو عيبة انك يفاجونك بزيادة في المبلغ وما يحسبو الضرائب
https://www.booking.com/
سجلت في موقع agoda.ae
انا كانت رحلتي 9 ايام
حاط جدول لرحلتي من تاريخ 1-7-2012 الى تاريخ 4-7-2012 الى مدينة مراكش
ومن تاريخ 4-7-2012 الى تاريخ 7-7-2012 الى مدينة اغادير
ومن تاريخ 7-7-2012 الى تاريخ 9-7-2012 الى مدينة الدار البيضاء كازا بلانكا
وكان حجزي لمدينة مراكش فندق سميرا ميس وكنت دافع للفندق على النت وخالص
كان المبلغ $189.27 دولار
فندق سميراميس مراكش حجز رخيص فوري مع اجودا http://www.agoda.ae/africa/morocco/marrakech/semiramis_hotel.html
راح نبدا الان احط الصور تباعو معي من الرياض الى المغرب
يتبع