مرحبتين كبار كبار على كل الحلوين
اليوم مروق كثير بعد رحلة بصراحة كانت ممتعة جدا ورهيبة وخيالية
رحت مع الأهل لفيفا بجازان
وش ذيك الديرة يا جماعة ... والله تقول في الريف الأوروبي !!
بصراحة الطريق للوصول لها شوي صعب يعني منعطفات ومنحدرات شوي خطرة يعني يبي لك تهدي وتاخذ حذرك
شيء مو طبيعي .. أول شيء لفت نظري البيوت فوق الجبال والجبال جاية مثل الدرج
أنا ما أدري اشلون سوها بس بصراحة شيء خيالي
بعدين كل المساحات خضراء ما فيه شيء اسمه تراب >> متعقد من التراب
أما الجو آآخ بس ليتني أقدر أجيب منه شوي واسحبه لوسط المملكة
والله تمشون على غيووم وبرودة مو اللي تدخل بالعظام هذيك البرودة اللي تقرصك شوي بس لذيذة
البيوت تطلع لها تصير الغيوم تحتك ... يا ناس ما اشء الله يا حظهم تخيل الواحد يصحى الصباح ويفتح الشباك ويلاقي على المنظر قباله
هذا الصباح والا بلاش ..
أما بالليل حكايتها حكاية والله كأنها قناديل مولعة يا عالم والله مو طبيعي المنظر
أتوقع لو دخلت في مسابقة تفوز
المهم انا انسجمت في الحكي خلينا نشوف مع الصور فيفا الجمال
- فيه صور مو مني بس حبيت اضيفها حلوة واعجبتني علشان الذمّة بس
وحيّاكم معنا في فيفا
وش رايكم بالله في ليل فيفا
كنت أسمع من بعض زملائي من أهل جيزان عن جمال جبال فيفا ، بس ما توقعت أنها بهذا الجمال والروعة
ألف شكر أخي سلطان الفاضل على تقريرك المصور الجميل