1. السلام عليكم

السلام عليكم

اشكر كل من اعطاني نصيحه وكل من طرح موضوع يخصه عن تركيا وبالفعل استفدت من خبرات الجميع بسفرتي مع العلم ان رحلتي صابني احباط وتعبت نفسيتي اثناء السفر بسبب الجو - رطوبه وحر - بس الحمد لله اخر يومين الجو صار احلى عن اول ايامي باسطنبول
رحلتي اليوم الاول من الوصول :
نزلت بمطار ( اتاتورك ) الساعه 6 وربع المغرب
ورحت مطعم ( الملك )
وقعدت ادور علي خط تركي وافضل شركه اتصالات بتركيا هي ( ترك سيل ) واخذت خط والحمد لله
ومريت علي مقهي ( علي بابا )
وتمشيت علي ( البسفور )
ورجعت الفندق
ثاني يوم
رحت جبل العرايس ( تشلمجا )
رحت برج البنت من ( حرم ) ( بالقسم الاوروبي ) الي ( القسم الاسيوي ) عن طريق العباره
طلعت بالتلفريك الي ( قولدن هورن ) اخر بحر مرمره وتصورت هناك في البيارلوتي
ورحت لمقهي ( اوبا كوفي ) علي البسفور
رحت مطعم ( شروان )
رحت ( علي بابا )
رجعت الفندق
ثالث يوم
رحت ارتاكوي
ورحت حديقه ( اولوس )
ورحت ( سن ست )
ورحت فوق الحصار ( دوغا ريسترانت )
رحت ميدان تقسيم شارع الاستقلال وتعشيت بمطعم ( بركات )
وتمشيت شوي وطلعت علي ( علي بابا )
ورجعت الفندق
رابع يوم
رحت ( مينيا تورك ) للمجسمات
وبعدين رحت لاحلى مكان في تركيا ( بلغراد اورمان ) الغابات
ورحت جبل (كيليوس )
ورحت ( البحر الاسود ) تمشيت فيه ع البحر
وبعدين رحت ( صر ير ) فيه مناظر اكثر من رائعه
وبعدين رحت للبيت اللي صوروا فيه مسلسل العشق الممنوع طبعا ممنوع الدخول لكن صورته من برا ويطل علي البحر
وبعدين رحت (طرابيا )
وبعدين رحت ( استينيا )
وبعدين رحت شارع المقاهي ( بي بيك )
وبعدين رحت ( قروشمه كافي )
وبعدين رحت ( ارتاكوي ) واكلت المحار اللذيذ لايطووفكم
وبعدين رحت ( علي بابا )
وبعدين الفندق
خامس يوم
رحت مجمع ( جواهر مول )
وبعدين طلعت ( تقسيم )
وبعدين تعشيت بمطعم ( الملك )
وبعدين رحت ( قروشمه كافي )
وبعدها للفندق
سادس يوم
رحت ( جواهر مول )
وبعدها حديقه الفراشات ( فلوريا تيسيسي )
وبعدها رحت ( ارتاكوي )
وبعدها تمشيت شوي وتمشيت فوق الجسر ولقيت ناس تصيد سمك وصدت معاهم
ورجعت الفندق
سابع يوم
رحت السوق المصري ( بازار )
وبعدين رحت ( مدينه فاتح ) اتسوق فيها
وبعدين طلعت مطعم ( الملك )
وبعدها تمشيت ( الارتاكوي )
ورجعت الفندق
ثامن يوم
كان احلى يوم عندي
رجعت فيه للمطا ار
وسلامتكم
اتمنى اني افيد اللي يحب ينزل تركيا يزور الاماكن اللي زرتها لانها فعلا تستحق المشاهده
وكان جدولي اكثر مزحوم لكن سبحان الله صابني احباط مو طبيعي من الجو وكنسلت ثلاث ارباع الجدول
ودمتم بود ,,,