- هذي رحلتي الى كابرون في صيف 2006 ...
السلام عليكم.....
هذي رحلتي الى كابرون في صيف 2006 ...
الان وقت تخطيط للسفر , فقلت افيدكم في رحلتنا لان هالرحلة ما انجحت الا من الله ثم هالمنتدا...
سافرنا في شهر 8 على الاماراتية و حجزنا من الانترنت و كان ارخص من الحجز عن طريق وكالة سفر و اشتركنا في skywards فقعدنا في تقريبا 3 صف في الدرجة السياحية و كنا حاجزين ايضا عن طريق الانترنت سيارة من sixts مع نافقيتر و اوتوماتك اسمها alpharomio لكن عندما وصلنا مطار ميونخ ذهبنا لsixt و خذينا المفتاح و لقينا السيارة ولا تطلع قير عادي فرجعنالهم و سوينالهم سالفة لان احنا قلنا بالحجز نبيها اوتوماتك و صار سوء فهم و بعد لوية عطونا مرسيدس e-class مع نافقيتر و طبعا اوتوماتك و من غير ما ندفع فلس زيادة لانها غلطتهم....
و طلعنا من المطار رايحين الى كابرون على طول لكن الدنيا قامت تصير ظلمة فقلنا ميخالف كلها ساعة و نص و نوصل .......
و مرت ساعة
ساعتين
3 ساعات
و ما انشوف شي بالطريج ظلمه و شابين العالي!
بعد تقريبا اكثر من 3 ساعات و صلنا فندقنا ( اسمة توني,هوتيل ابارتمنت) هذا سايتهم
http://www.hoteltoni.com/en_hotel.phtml
طبعا وصلنا و الدنيا ظلمة ماكو حركة ولا شي و نبي اندش الفندق ولا الباب مصكوك!! و انطق الجرس و اندق عليهم تلفون و محد يرد عقب تقريبا نص ساعة قعدنا انحووس بالسيارة اندور اي فندق مفتوح لان تعبنا وايد
لقينا فندق اسمهsteigenberger kaprun
http://www.kaprun.steigenberger.at/aw/Hotels/Steigenberger_Hotel_Kaprun/~bkuc/Englisch/
هالفندق اغلى من توني و اكشخ بس توني افضل بكثير
هذا احلى شي فيه الافطار في حديقة المناظر اللي حولها قمه في الجمال
طلعنا من هالفندق و رحنا حق توني و تناجرنا معاهم ان مايحسبون علينا الليله اللي طافت و وافقوا ...
كابرون منطقة ريفية و ينامون اهلها مبكرا فلازم اتبلغوونهم اذا ابتوصلون متاخر
فندق توني موقعه خيالي تحتنا نهر و محاطين بجبال و هذي صورة مصورتها من البلكونة
و سعره رخيص بس مشكلته مافيه افطار و يمه في سوبرماركت نسيت اسمه و يمه بعد مطاعم منهم فيه ذبح اسلامي و اكله جيد
و كابرون افضل من زل ام سي لانها هادية و اجمل
ترقبوا التكمله بالي سويناه اول يوم
