صاموولي
23-06-2022 - 04:31 am
السلام عليكم ورحمة الله وبركاتهظ
اول شي
رحت مكتب بالخبر واشتريت تذكره لشخص واحد وحجزت فنادق
رحلتي من مطار المنامه تقلع الطائره الساعه 3 صباح يوم الجمعه 4 مارس
والعوده الى مطار المنامه الاقلاع الساعه 9 الليل يوم الخميس 10 مارس
وقسمت الرحله لثلاثه اجزاء
استاجرت غرفه في تقسيم سكوير اول يومين في اسطنبول
واستاجرت غرفه في بورصه يومين بعد
واستاجرت بفندق بعد في تقسيم سكوير اخر يومين
وكلها شامله الفطور
الرحله تقريبآ سته ايام وادري انها قصيره لكن هذا اللي قدرت عليه
كلفتني التذاكر مع الفنادق 4300 ريال
الصرفيه 3500 الاف ريال وش رايكم تكفي والا لا؟؟علمآ باني لوحدي ولاني راعي اسواق
يعني رايح اشوف الطبيعه والخضره ابي اشوف لون غير الاصفرر
واتمشى بالاسواق سواء مولات او الاسواق الشعبيه وبالاخير انا راعي شيشه
ياليت تعطوني الاماكن اللي اروحها او تعطوني خطه امشي عليها
علما بان اللي عطاني دفعه معنوية للرحله خالي
وقال لي وضعك زين بس ابتعد عن التكاسي واستعمل المترو والباصات قد ماتقدر
وانا ماسافرت الا عشان لارجعت للدوام والغثى ارجع وانا مستانس اني مسافر لتركيا ومغير جو
للعلم بأني اول مره اطلع برا السعوديه
ماقد رحت الا لمصر وانا بالابتدائيه يعني 90% من الذكريات ممسوحه بذيك السفره لاني صغير
وحدي مكه والرياض والجنوب
كلها شتويه والا نص شتوي ونص صيفي
والذاكره تبع كاميرة التصوير وش مقاس الذاكره؟؟لاني بشتري ذاكره والكاميرا موجوده ماخذها من عند خالي