السلام عليكم ورحمه الله وبركاته ...
هذا اول موضوع لي في المنتدى اتمنى ينال اعجابكم .. وتشجيعكم ..
في البدايه قررنا انا وعائلتي ان نسافر الى لندن لنقضي عطلتنا الصيف الماضي فقمت بحجز التذاكر وكانت الرحله من 15-7 الى 1-8 لكننا استمتعنا كثيرا ...
كان الفندق الذي قررنا الاقامه فيه هو فندق Grosvenor House London الواقع في منطقة البارك لين وكان الفندق يبعد بضع كيلومترات عن الهايدبارك و اكسفوورد ستريت .
اول يوم وصلنا فيه كانت الساعة 3 العصر تقريبا بتوقيتهم ، توجهنا على طول للفندق و قررننا نرتاح شوي وعلى الساعة 6 رحنا الاقرب مكان لنا وهو الهايد بارك واستمتعنا بالجو و التمشي وبعدها رجعنا للفندق وتعشينا فيه .
اليوم الثاني من الساعة السابعة صباحا توجهنا للسفاري بارك خارج لندن حوالي 3 ساعات بالسيارة ( ويومها كان الطريق زحمة بشكل مب طبيعي) كان الجو أحر من جو لندن بشوي لكن أول مادخلنا السفاري نسينا كل شيء لان فيها عروض رائعة والعاب كثيرة للاطفال وبعد اشكال الحيوانات وهي اتمشى بكل راحه حوالينا عطى الرحله طابع مميز .
اوقات السفاري : من 10 الصبح لحد 5 ونص العصر
اسعار التذاكر للكبار : 8.75 باوند
للصغار (3-15) : 10.5 باوند واللي اصغر فرري
وهذي بعض الصور من عدستي ..
بعد رحلة السفاري رجعنا للفندق على الساعة 8 وارتحنا شوي وبعدها رحنا ايجور روود وتعشينا في مطعم لبنان .
اليوم الثالث كان مخصص للتسوق فترة الصباح كانت من نصيب هاررودز وبعد الظهر كانت بين سليفرج و هارفي نيكول وبعض البوتيكات النسائية في بوند ستريت ..
اليوم الرابع حجزنا في باصات لندن توور وكانت الرحلة لمدة ساعتين الى 3 تقريبا وبعد مارجعنا نزلنا في الهايد بارك لان ماقعدنا فيها واايد من جينا لندن ...
خلال التور مرينا على توربردج وانقسم الجسر قسمين علشان تمر سفينه وكان المنظر روعه وصورته بس بالفيديو .
اليوم اللي بعده رحنا لندن اي وفي طريقنا مرينا على Buckingham Palace وقفوا سيارتنا لان كان في شخصيه مهمه بتمر وكانت الشخصيه هي توني بلير مر قدامنا لان سيارتنا كانت اول السيد اللي موقف.
صور من داخل لندن اي ...
الاسعار كانت للكبار 11.5 باوند
الصغار من (5-15) 5.75 باوند والاصغر فرري
اما الوقت فهي تفتح من 9 ونص الى 9 مساء
بعد لندن اي رحنا ترافلكار سكوير واستمتعنا باطعم الحمام وبالاكل في الكوفي شوب الصغير الموجود هناك .
وباقي الايام قضيناها بين مادم تووسو ميوزيم ولندن ثورب بارك ولندن اي ماكس سينما وبعض المراكز و المجمعات التجارية وبين الهايد بارك و المطاعم والسينمات .
شكرا وان شاء الله المواضيع الجاية تكون احلى ..