- http://www.thrifty.com
- والسبب ان الحجز يتم بدون فيزا واذا الغيت الحجز لايوجد رسوم حجز
السلام عليكم ورحمه الله وبركاته
استكمالا لرحله المغرب
https://artravelers.com وصلت مطار قتويك يوم الجمعه والسبب لحضور دوره في وينزر windsor
مع ملاحظه ان النطق هو وينزر وليس ويندسور وكذلك بالنسبه للقلعه تنطق قلعة وينزر وليس ويندسور
لم تكن زيارتي الاولى الى لندن لان الدراسه كانت في بريطانيا
في بورنمث وفي بلايموث جنوب غرب
البلد غلت بشكل غير طبيعي فنصيحتي اللي بيروح لا يفكر
في المصاريف وانا شخصيا احاول اقناع نفسي بأن الباوند يساوي ريال
وبعد الخروج من الجمارك ذهبت الى شركه ثيرفتي التي تعودت على الحجز عندهم في اغلب سفراتي
http://www.thrifty.com
والسبب ان الحجز يتم بدون فيزا واذا الغيت الحجز لايوجد رسوم حجز
وبعد ما وصلت عندهم قالوا انت حاجز سياره صغيره قير اوتوماتيك وقلت نعم وقال لكن السياره غير متوفره حاليا وبنعطيك سياره سبورت وقلت اوكي نتشبب شوي ولكن تدفع فرق التأمين وقلت هذي لا لان المبلغ 65 باوند وقلت انا ابغي السياره الصغيره وحجزي كان قبل فتره كافيه وبعد مناقاشات واتصالات ونتزيل في السعر عده مرات تم الاتفاق على سعر 34 باوند مع تأمين شامل
وهذي صورة السياره وبيني وبينكم الكليو اللي في المغرب احلى
على العموم اخذنا السياره وطلعت ريدينق لتوصيل بعض الاغراض لاحد الاصدقاء
ورجعت لندن حوالي الساعه السادسه ومن المفترض اني اتصل على الجنقشن زون لدفع ضريبه دخول لندن
وبصراحه الرقم عندي ولكني نسيت اتصل وهذي البدايه مخالفه 50 باوند
من المفترض اني اجلس في لندن حتى يوم الاحد والمقصد شوبينق
وبعض الشغلات وخصوصا شارع اكسفورد ستريت الذي وجدت ان اغلب الفنادق القريبه منه محجوزه بالكامل
وتوجهت الى هيلتون اللي في اجور رود وعطوني الغرفه ستاندر مع فطور بسعر 105 باوند وموقف السياره اليوم ب 15 باوند ووافقت على طول ونزلت الشنط ورحت لشارع ادجور رود اللي
من كثر المحلات العربيه تحس انك في احد الدول العربيه
صورة الفندق
وهذي صوره من الفندق
وبعد العشاء في احد المطاعم وجلسه في احد المقاهي رجعت للفندق
للاستعداد لليوم التالي
وقمت ثاني يوم وافطرت في الفندق وبعدها ورحت اكسفور ستريت مشي
لان المواقف بتكون صعبه وانا في كلا الحالات دافع الموقف للفندق
وانتهى اليوم بعد انهيت الشغلات اللي جاي لندن على شانها
وهذي صور من لندن
ما تلاحظون اني مركز على رنوش لانه من اقدم المطاعم العربيه
ولانسيت الاماني بوجبه في رنوش ولاحظت تغيير الديكور اكثر من مره
واليوم اللي بعده طلعت من الفندق
متوجه الى وينزر على شان انزل الشناط في الفندق وبعدها لبورنمث
موقع وينزر بين ام4 و ام3 وبعد الطريق الدائري ام25
وحطيت خريطه الموقع على يساري وتوجهت الى وينزر
وهذي بعض الصور من داخل لندن حتى وينزر
على اليمين مستشفى كرومويل والعماره الحمرا
نتابع الطريق
اللفه يسار لنفس الطريق الى قلعه وينزر
وصلت وعلى طول عطوني المفتاح وجميع التعليمات
وهذا اسم الفندق
ونزلت الشناط وريحت شوي ومشيت بورنمث وناوي ارجع في نفس اليوم
وهذي صور من الطريق الى بورنمث
وبعد الوصول الى بورنمث كان الموعد مع احد الاصدقاء في شارع تشارمنيستر في مطعم بدوين
ولكني استغربت من تغير ملامح الشارع ومن الاهم هو ان مطعم السندباد
وصاحبه الافغاني بدر لم يعد له وجود والمحل مغلق مع ان بدر باع السندباد
على عراقيين وفتح مطعم وجبات سريعه على الزاويه بين تشارمنيستر و الما رود ولكن
المطعم هذا يعمل فيه على ما اعتقد اتراك ولا يعرفون شي عن بدر
وانا اقول اللي يعرفه او يعرف عنه أي شي يخبرني عنه وجزاه الله خير
وبعد الغداء في بدوين ذهبت مع الصديق الى منزل العائله ووجدته بصعوبه
لان الجو ممطر ونسيت رقم البيت وبعد ما دقيت الجرس مع اني غير متأكد
فتحت لي عجوز الباب وسألتها عن اب العائله وقالت موجود وهل انت
كنت تدرس عنده قلت نعم وسالتها بعد ان شكيت هلى انتي سو ؟(ام العائله)
قالت لا سو ماتت من سبع سنوات وبصراحه حزنت لكن هذي سنه الحياه
وصل اب العائله اللي اول ما شافني تذكر السلام الخليجي وعلى طول
اخذ يسلم علي تقول واحد من الشباب
ودخلنا عنده البيت ولكني اعتذرت بعد حوالي الساعه لضيق الوقت والسبب تذكرت الرجعه ويوم الاحد والجو مطر وضباب وبصراحه تمنيت اني جلست اكثر لكن الضروف
واعتذر عن صور بورنمث وذلك لذيق الوقت والجو ما يساعد
وبعد ذلك توجهت الى وينز فالطريق زحمه
واخذ مني حوالي 4 ساعات مع انها من المفترض اقل من ساعه ونص
وهذي صور من مكان الكورس
في احد الايام ذهبت الى قلعه وينزر ولكن وقت الزياره قد انتهى
فاخذت جوله وهذي بعض الصور من وينزر
وحضرت الكورس حتى يوم الخميس
الذي اخبرونا ان اخر يوم النهايه بتكون مع الساعه 12 ونص
وغيرت الحجز من الجمعه الى الخميس
والى تنتهي الرحله واعذروني على التقصير
شاكر لكم المتابعه وتحياتي للجميع
و الشكر لك خويا بوعلام البهجة ..على هذه الرحلة..
وصورة سيدي علي..يحليلي ..الله يحفظك خويا..
أختك بنت أغادير