بديت التخطيط و البحث للسفره قبل 5 اشهر لاني كنت ادرس و نطرت الصيف عشان اسافر المهم ما علينا
حجزت على البريطانيه و كان خط الرحله ( الكويت - لندن ( 4 ساعات ترانزيت ) - فرانكفورت ) و العوده كانت ( روما - لندن ( 4 ساعات ترانزيت )- الكويت ) سعر التذاكر لشخصين 377 دينار كويتي الحجز كان قبل السفر بشهر فقط بالنسبه لي السعر حلو .
تنقلاتي في المانيا كانت كلها بالقطار استخدمت الطيران الداخلي فقط من سالزبورغ النمساويه الى فلورنس الايطاليه
تقسيم الايام في المانيا كان كالتالي :
فرانكفورت 4 ايام 3 ليالي
بادن بادن 4 ايام 3 ليالي
ميونخ 3 ايام 2 ليلتين
اما بخصوص السكن :
فرانكفورت في ( Grand Hotel Dream Main City Center ) فندق 4 نجوم نظيف جدا و مكانه قريب جدا من شارع Zeil يعني مشي دقايق و الموظفين هنود لكن كانو جدا ظريفين السعر ل 3 ليالي 104 دينار
بادن بادن في ( Radisson Blue Badischer Hof Hotel ) فندق 4 نجوم قريب من السوق والمطاعم الموظفين حبيتهم في عيب واحد راح اذكره لاحقا السعر ل 3 ليالي 104 دينار
ميونخ في ( Mercure Munchen City Center ) فندق نجوم بس انا انصفه 5 بكيفي قريب من المارينا بلاتز و الكارلز بلاتز نظيف و الموظفين يهبلون و هذي ثاني مره اسكن فيه السعر ل 2 ليلتين 104 دينار
التنقلات بالقطار :
1- من فرانكفورت الى بادن بادن 88 يورو (30 دينار ) لشخصين 2 class
2- من بادن بادن الى ميونخ 160 يورو ( 60 دينار ) لشخصين 2 class
مجمو المصاريف تذكره = طيران + فنادف + النقل بين المدن = 377 + 312 + 90 = 779
ملاحظه ( بعض الصور بتكون من النت و البعض من تصويري طبعا راح يكون الفرق واضح هيهيهي )

و عليكم السلام
ياهلا و مرحبا
سعداء بتواجدك بيننا
بداية جميلة
و اختيارات موفقة للفنادق
يبدو أننا على موعد مع تقرير مرتب و جميل
متابعين الابداع
بس لاتنسينا من أدق التفاصيل عشان الكل يستفيد

وعليكم السلام ورحمه لله وبركاته
كيف مطار فرانكفورت
جزاك الله خير علي التقرير والعمل لفائدة الجميع وتشكرين عليه

بداية حلوة لتقرير ومستمرين في المتابعة مع التقرير والصور الجميلة

آخرفرصة
مشكور ما تقصر و ان شاء الله اكون عند حسن الظن و طبعا انت من الاسامي اللي ما انساها و ساعدتني وايد يمكن تذكر اكاونتي و يمكن لا
و كثر ما اذكر من التفاصيل راح اذكرها ان شاء الله

فيصل
الله يسلمك ان شاء الله
مطار فرانكفورت كبير و حلو و السوق اللي فيه حلو و الموظفين نفسيتهم طيبه اما بالنسبه لل الارشادات و اللوائح موجوده بكل مكان يعني مستحيل تضيع فيه
اتمنى اكون افدتك بالاجابه

الحوسني
لي الشرف بمتابعتكم

1-9-2012 فررانكفورت
وصلنا الى فرانكفورت الساعه 6.30 مساءا الدنيا منوره و الجو غييم و رذاذ عجيب
التاكسي من المطار الى فندقنا (Grand Hotel Dream Main City Center ) اخذ من 10 دقايق بس و بسعر 30 يورو .
ملاحظه : الحذر من التاكسي في بعضهم ينصب على السواح احنا حصل معانا هالموقف مع هذا التاكسي قالنا السعر 30 يورو و استلم منا 100 يورو و رجع لنا 20 ؟؟؟؟ الحمدلله انه ريلي فطين و حسب الباجي و كلم التاكسي و رد عليه ان نسى !!! و كان حده متوهق ... اتمنى يكون ناسي مع انه تعابيره كانت تدل عكس هذا
طبعا الفندق من مميزاته الحلوه الانترنت مجاني و سريع و انه تحته في مطعم عربي لذييذ ما اذكر اسمه و في بقاله اشترينا منها خط فودافون 30 يورو و تعبئته اب 15 يورو.
بعد ما ريحنا في الفندق و ساعدنا الموظف في حمل ( الحقائب ) قررنا نمشي الى شارع zeil و هو شارع التسوق الاشهر في فرانكفورت. ماكدونالدز حبيب الكل كان قريب ايضا . تعشينا فيه وكان حسابنا 15 يورو سعر وجبتين كبار و مثل ما انتو شايفين سعره حلو و طبيعي .
بعدها رجعنا الفندق و انتهى يومنا الاول في فرانكفورت .
مصاريف اول يوم كانت : 90 يورو
ودي انزل صور بس اذا احد عنده افكر اقدر انزلهم بدون رابط او لا ؟ و اذا لازم رابط احد يفيدني بموقع يحول الصور الى روابط و اكون شاكره لكم .