1. رحلتي ل زيلامسي .. صيف 2012 من شهر june ل بداية شهر july


2. Super market BILLA / من افضلهم و الاكثر توفر في جميع المناطق

رحلتي ل زيلامسي .. صيف 2012 من شهر june ل بداية شهر july

بسم الله بدأنا من مطار ميونخ الالمانيه و استلمنا سيارتنا من sixt من مكتبهم في المطار و اتجهنا للسيارة ركبنا خوينا (القارمن) بالبدايه نكبنا ولا اشتغل و من ثم ظبطت الامور و مسكنا الطريق ولكن رفض القارمن يستقبل اسم زيلامسي و اخذنا ل سالزبورق و للاسف تعرقلنا و مافهمنا ايش اللي صاير لان الطرق مكتوبه بالالماني و كل شي مجهول نوعا ما ، مسكنا راعي تاكسي و برمج لنا القارمن على اساس ياخذنا سيده ل زيلامسي و دفيناه ب 20 يورو لان الشعب مطنقر شوي ولكن هذا فيه خير الحمدلله وصلنا الشقه بسلام بعد عناء و مشقه كانت من افضل الشقق الموجوده ب زيلامسي يفتقدها احساس الفنادق و النظافه لم تكن على مستوى عالي و عندهم نظام غريب شوي من بعد الساعه 12 يقفلون البيبان لذلك لازم تنتبه و يكون معاك مفتاح الشقه لانه يفتح البيبان الخارجيه ،
نبدأ ب ماكدونالدز / كانت الاسعار افضل من اللي توقعته و الطعم كان جدا لذيذ الوجبه تقريبا ب 7 ، 6 يورو و الكاتشب كميه محدوده يحطون لك و اذا تبي زياده تشتري
استأجار السياره / تحتاج انك تاخذ ديزل يوفر كثير و ضروري تحجزها من بدري لان كل ما تاخرت زاد السعر و من اهم الامور يكون معك القارمن (GPS)

Super market BILLA / من افضلهم و الاكثر توفر في جميع المناطق

Zell am see Card/ هذا كرت ل 5 مناطق سياحيه في زيلامسي يوجد في بعض الفنادق والشقق مجانا لزبائن الفندق ممكن ما يعرضونه لك ف يجب عليك ان تستفسر و موجود في مكتب الانفرميشن بسعر رمزي ل اللي بيشتريه و من الاحسن تطلع على الاماكن اذا تهمك او لا
بحيرة زيلامسي / بحيره جميله جدا حواليها المقاهي و المطاعم و المحلات و يوجد محل تاجير سياكل جدا ممتع و عالبحيره قوارب تاجير و تقع البحيره بنصف زيلامسي و فيه الباخره تاخذك 45 دقيقه بجوله على البحيره
شلالات كريميل / من اروع المناظر الطبيعيه في زيلامسي شي لا يعقل من جماله .. تلبق السياره و تروح رجليه فيه كم مطعم و بوتيك و فيه رسوم للدخول كانت معقوله جدا تتمسى بين الشلالات لين تاصل للنهايه و الزبده بتلقاها هيناك
wild park / حديقه فيها مقهى متواضع و العاب مسليه للاطقال تستخدم بالكوين اليورو و بالجهه المقابله شبك فيه حيوانات .. (لا انصح بتضييع القوت فيها)
قمة كابرون الثلجيه / بالبدايه تقض التذكره و تمر بمرحلتين الاولى تركب التلفريك و يوديك لمحل احتياجات الثلج من ملابس و ادوات ثلجيه و لا انصح بشراء اي شي لان الجو ما كانت البروده شديده و بعد هذا ياخذك التلفريك للمرحله الثانيه و الاخيره وهي قمة الثلج يوجد مطعم و مقهى بنفس الوقت و محل لاحتياجات الثلج و اللي شايف ثلج فريا ب بيروت ما راح ينبسط مره بهذا ..
الزحليقه الصيفيه / هي عباره عن عربه و سكة حديد تسحبك للاعلى و من ثم تنطلق و تقدر تتحكم بالسرعه و ممكن يركب بالعربه شخصين يوجد شباك تذاكر و باقات متعدده تختار المناسب لك و تتجه للعب
اماكن لم ازرها:
ملاهي Family land / حبيت اخدمكم باحداثيتها : N47 30.031 E12 33.565
قطار زيلامسي / ياخذك جوله بزيلامسي و اسمه (BUMMELZ)
المزالج الطبيعيه الجليديه / في منطقة weibsee وفي uttendorf فيها مشاهده جبال الالب و البحيره البيضاء تبعد عن زيلامسي نصف ساعه
سأوافيكم بالصور في تقريري المقبل بإذن الله