أولا رحلتي تبتدأ من بريطانيا للمغرب .. و هذه أول مرة أسافر للمغرب و لوحدي كذلك
بدأت رحلتي في تمام الساعة الحادية و الربع صباحا متوجها لمطار محمد الخامس في الدار البيضاء عبر مطار باريس .. في الطريق اللي أخذ 3 ساعات تقريبا من فرنسا الى المغرب كان بحنبي واحد أمريكي .. دخلت بنقاش معاه و أبين له عن الاسلام .. و طلع الحبيب عنده أخت مسلمة و يعرف احسن عني .. خ
هبطت الطياره الساعة الرابعة و النصف عصرا .. و علطول على الجوازات .. ختمت الجواز و أخذت أغراضي .. و على مكتب سي تي ام CTM علشان احجز تذكرة باص .. حجت تذكره لمنطقة آسفي اللتي تبعد في الباص حوالي 4 ساعات .. و كان سعر التذكرة 115 درهم مغربي .. طبعا توجه الباص من المطار لمركز المدينة في الدار البيضاء .. بجانب فندق فرح .. في تمام الساعة 7:15 تحرك الباص لمنطقة آسفي عبورا في منطقة الجديدة .. وقف الباص في منطقة الوليدية اللتي تبعد ساعة و نصف عن آسفي .. طبعا ما تشوف الا اللحم و الكبد و المشاوي .. أخذت ساندويش كبده و آتاي .. و على كيف كيفكم
وصل الباص للمنطقة في تمام الساعة 12 بالليل .. و علطول تاكسي
على فندق السفير (فندق فرح حاليا) .. و دفعت 8 دراهم .. على فكرة يبعد الفندق عن المحطة بحوالي كيلو
أخذت غرفة و عطوني خصم 30% .. طلع سعر الغرفة 367 بدلا من 500 درهم .. و على الغرفة و عينك ما تشووف النور .. رقدت لين الساعة 7 الصبح .. و قمت :11oth: .. و طبعا أخذت دش و لبست و طلعت برع أكتشف الاماكن ..
أخذت فطور .. عبارة عن كرواسون و جبن و مربى و زيت زيتون و رغيف و آتاي ... يم يم فاتكم :36_1_51: .. وكلفني 18 درهم مغربي .. كل شيء رخيص في هذه المنطقة
المهم أخذت تاكسي ب 11 درهم الى فندق بانوراما .. و هذا يطل على مرتفع .. صرااحة الجو بارد هناك .. و جنبه في مطاعم ... و مثل ما تعرفون انه هذه المنطقة مشهورة بشيئين .. مشهورة بالأسماك و الفخار .. أكلت ما لذ وطاب من الاسماك ..
طبعا بعدها توجهت الى القلعة المشهورة عندهم .. و هذه القلعة يقولون بأنها لليهود .. و هي من القرن السادس عشر
بس للاسف كانت مغلقة لأعمال الترميم
طبعا جنت القلعة .. مدينة آسفي القديمة .. عبارة عن سوق شعبي و فيه سواح أجانب .. يباع الفخار و الملابس في هذه الأسواق
و عند خروجي من السوق .. شفت المغاربة يعملون الفخار .. طبعا صعدت فوق في السلم علشان أوصل للسخانات (الأفران )
و شفت الناس ما شاء الله عليهم مبدعين
طبعا طولت عليكم .. و راح أكمل لكم ان شاء الله مرة ثانية
تحياتي لكم
غربة وطن
في الجزء الثاني .. رحلتي من آسفي الى الدار البيضاء
سوق درب غلف
أكل لحم الجمال
سوق مراكش
منطقة سيدي معروف
و المزيد