Q8
12-12-2022 - 11:51 am
آسف على تأخيري لعرض تقرير رحلتي الى اسبانيا عام 2004 والسبب مشاكل في تنزيل الصور.....بديت رحلتي فجر يوم 7-8-2004 اقلعت على متن اللوفتهانزا متوجه الى ملقا عن طريق فرانكفورت ويعود السبب الى ان الحجوزات كانت full على الكويتية - المهم - وصلت بعد ست ساعات الى مطار فرانكفورت طبعا المطار مو مثل مطاراتنا الصغيرونه هو عباره مدينه كاملة متكاملة وطاحت رجولي من المشي من مبنى الى مبنى حتى وصلت غيت طيارة ملقا وبعد ماتاكدت من مكانها رحت ادور على مطعم خالي من الناس :1076: ولكن خاب ظني ، لان البشر اللفي المطار من كل حدب وصوب وسبحان اللي خلق هالبشر وجوه غير عن بعض يعني مطار عالمي ، واستغرقت مدة الترانزيت خمس ساعات طبعا مليت من الانتظار وهذا عيب الترانزيت وهو الانتظار الطويل ، ومرت الخمس ساعات كانها خمس ايام - المهم - صعدت الطيارة وتوكلت على الله وكان الركاب اغلبهم عوايل المانية وماشاء على عيالهم الصغار كانو هادين :hypocrite ويحليلهم لابسين ملابس البحر من البيت وفي رحلة ملقا اللي استغرقت ساعتين ونص نمت :thumb_ico من تعب الترانزيت والحمدالله اني صحيت من النوم في آخر ساعة الاربع حتى مايفوتني منظر ارض الاندلس من الجو.... وبعد ما استلمت الحقائب خرجت من المطار ولا الجو حار لان الوقت كان عصر واخذت التاكسي وكان معاي العنوان طبعا التسعيرة ثاتبة يعني مافي مجال للفصال وهي 75 يورو وطار فيني السايق الاسباني وطول الطريج اتشهد من سرعة السيارة والحمدالله وصلت بعد نص ساعة والاهل كانو في انتظاري واخوني في الاحضان :50055: لانهم كانو سابقيني بشهر تقريبا وانا كانت اجازتي تقريبا 14 يوم بس بعدها صعدت الشقة وكان الاكل الحار العجيب زاهب ينطرني اني التهمه كالاسود وبعد مجبوس الدجاج السنع اخذت شور وعلى النوم طوالي :thumb_ico وهذي صور من العمارة senorio de aloha ومنطقة دي الوها مو بعيدة عن بورت بانوس بل خمس دقائق مشي بس :
:kashkhah:
وهذي صورة الكورتنغليس اللي يصير في قلب بورت بانوس بالضبط والصورة من بلكونه الشقه
انتظرو الجزء الثاني ............
رحلتي الى اسبانيا
وانا يهمني التفاصيل مثل الأسعار ( لكن شكرا لك على ذكر التفاصيل)
بس ان التاكسي اخذ منك 75 يورو هذي غريبة ( أنت متأكد)؟
لأن التسعيرة الخاصة من ملقا الى ماربيا 55 يورو فقط ( وهذه التسعيرة ثابتة وموجودة عنده في الورقة)
اخاف انك ناسي اخوي
المهم احنا بانتظار الجزء الثاني