أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
تحيه كبيره معطره باالورد والكادي لاعضاء السويسريه وشكر خاص الى ابو ريان وابو عزيز
طبعا مايحلى الكلام عن السفر الى بصور معبره بس اعذروني لاني ماوفرتها لكن اوعدكم السفره الجايه بتكون الصور مررزوزه بموضوعي
اليوم الثاني يوم جميل صحينا بعد مانمنا نوم عميق دايخيين و افطرنا طبعا فطور الفندق بسيط جدا بس ماشي اصلا نفسك تنفتح على الاكل :36_11_15: واخذنا تاكسي ورحنا لشلالات توم باخ والصراحه انا وزوجي من عشاق الطبيعه فانبسطنا ثم رجعنا واخذنا جوله في البحيره لمده 4,40 ساعه وطبعا ماتتخيلوا كيف المناظر الخلابه حولك والساعه تمر كانها دقيقه طبعا لمارجعنا تعشينا في ماكدونلز و بداء المطر ينزل والجو صار بديع :rain: وكملنا باقي الوقت في الفندق بس اكيد في البلكونه علشان نتفرج وكذا خلص ثاني يوم
اليوم صحينا الساعه 9 صباحا وطابعا افطرنا واخنا الباص وذهبنا الى الميستري بارك وتمشينا فيها بس واعطونا سمعات باللغه العربيه وصراحه احنا استغربنا انهم موفرينها مايتركون شي ولفيناها ولان الجو كان ماطر خلى المكان جميل فشجعنا نشرب كابتشينو بس نصيحه المكان مايستاهل الواحد يروح له ثم ذهبنا الى السوبرماركت وشرينا اغراض ثم دقيناها رجل حوالي ساعه الى الفندق:097: بس الجو خلانا مانحس بتعب ثم رجعنا الفندق نزلنا اغراضنا ثم طلعنا اخذنا ايسكريم وجلسنا ناكله بره بهل الجو الحلو ثم نمنا وكذا خلص ثالث يوم
اليوم الرابع صحينا الساعه 8,30 وافطرنا ثم ذهبنا بالباص الى كهف saint beatus وكان جدا رائع بارد من الداخل وفيه مرشده تشرح كل شي وتدلك بس ماتخليك تصور بس عاد انا ماينخاف علي صورت فيديو ثم شربنا قهوه بعد هل البرد في قعدات حلوه تطل على البحيره ثم رجعنا بالباص وتغدينا ثم رحنا لسوقهم المركزي والشارع التجاري ولان الجو كان جدا بارد لم استطيع أن نكمل ورجعنا الفندق وشربنا قهوتنا العربيه مع دونات ونمنا وكذا خلص رابع يوم.
اليوم الخامس صحينا الساعه 8,30 وذهبنا بالقطار الى قريه meiringen حيث توجد شلالات ريخن باخ وهي شلالات تصلها بقطار مائل يرتفع بك الى القمه ثم رجعنا بالقطار الى مدينتنا و تغدينا ثم ذهبنا الى انترلاكن ost وكان في عروض هبوط المظلات الهوائيه وجلسنا نتفرج ونشجع واحنا ماعندنا سالفه وفجائه شفت القطار الصغير الي فيه واحد ماترك احد الا يسلم عليه واجي اقول لزوجي الا ابغى اركب القطار قام قالي لا وش فيك جتك حاله المبزره قلت الا الا وماهان عليه نظرات الرجاء قال اوكيه وانا سويت كذا:36_7_8: خ والله يوم ركبته حسيت فعلا اني بزر بس انبسطت رغم بساطته ورجعنا الفندق الساعه 9 ونمنا وكذا خلص خامس يوم .
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,
اليوم السادس صحينا 9,30 واكيد افطرنا ثم ذهبنا بالقطار الى اعلى قمه في اوروبا وكانت رحله ممتعه ورائعه جدا جدا شفنا الثلج ولعبت بالصحن وتزحلقت والله نسيت نفسي هناك وزوجي ماغير يلحقني بالكاميره وانا مسويه كذا:36_1_13: وطبعا تغدينا هناك وشربنا قهوه ورجعنا دايخيين بس الي لفت انتباهي ان كل القطار يابانيين وكلهم يسون طول الطريق كذا:11oto: وصلنا الفندق ارتحنا شوي ثم تمشينا وتعشينا ونمنا .
ما شاء الله عليك (الله أكبر) خمس وخمسية كانك في صف سادس تسمعين للأستاذه الا اذا كنت تكتبين يومياتك هذا شيء ثاني ممكن شوية تعليقات طبعا مايحلى الكلام عن السفر الى بصور معبره بس اعذروني لاني ماوفرتها لكن اوعدكم السفره الجايه بتكون الصور مررزوزه اكيد اشتريتوا كاميرا ديجيتل ونسيتوا تشترون فيلم ما تجي صح طيب ينفع احط الصور من عندي والكتابة من عندك نصيحه خففو العفش لوك هو إز توكينق بالعربي شوفوا مين اللي يحكي نشف ريقي (غير جبل ريقي اللي في لوزيرن) وانا اقول باك باق ويكفي وما أحصل الا نظرات الإستغراب والإستخفاف من اللي انصحهم فندق بليفيو طبعا نزلنا منالقطار ورحنا الفندق على رجلينا لانه قريب والصراحه الفندق لازم يكون كويس والا اشيله من موضوعي الميستري بارك وتمشينا فيها بس بس نصيحه المكان مايستاهل الواحد يروح له بس إنتي اللي دعيتي عليهم الميستري بارك بعد ما مشيتوا وهو في حالى غريبة وخسائر الى ان تم اقفاله (بدون رجعه) يوم 19/11/2006م روحي منك لله قطعتي رزقهم والله كلامك 100% صحيح أصلا مكانه في وسط هذا الخضار والطبيعة ماكان مقنعني افطرنا طبعا فطور الفندق بسيط جدا بس ماشي اصلا نفسك تنفتح على الاكل طبعا لأن عبارة عن عينات الواحد يحلف عليها وما في جبنة و و و والله كان مشروع ناجح كنت انا وابو ريان نفتح على الشارع الرئيسي بوفيه يصلح طع100 وفول وتميز الطائف تخيلي ريحة الطع100 مع ذاك الجو لكن للأسف ما قدرنا نجيب فيز عمال افغان وراح المشروع اكيد جربتي الطع100 من البوفيه المصري اللي في جنيف عند بوابة سوق المانور في وسط المدينة - واخذنا اغراض من البقاله ثم ذهبنا الى السوبرماركت وشرينا اغراض أكيد مثل اللي عندي كتكات وسنيكرز وشبسي وهالخرابيط والله يوم ركبته حسيت فعلا اني بزر بس انبسطت رغم بساطته انتي اكتفيتي بالقطار غيرك (والله يستر تعدي الليلة) كان زن على تجربة البراشوت وهنا أختي العزيزة مربط الفرس أهم شيء الواحد يسوي الشيء اللي نفسه فيه وينبسط (ضمن الإطار الذي تسمح فيه عاداتنا وتقاليدنا) الله يديم عليكم المحبة والألفة واتمنى ان لا أكون ذو إطلالة ثقيلة متابعين
