بسم الله الرحمن الرحيم
ابدأ بالشكر للقائمين على المنتدى الاكثر من رائع وعلى جهودهم وجهود الاعضاء المشاركين
اولا هذا التقرير المختصر لرحلتي انا وثلاثه من الزملاء والتقرير فيه الكثير من التقصير
لكن هذا دين للمنتدى وعلي رده .
الصور كثيره لكن اخترت بعض الصور لان اغلبها فيه الشباب طالعين ويترززون ( امزح )
ترا انا ماطلعت
كانت الرحله بتكون على الخطوط السعوديه وكل شي ok والترتيبات تمام لكن صار شي
خرب علينا شوي ( نسيت اقولكم اني بتكلم بالعامي يعني باللهجه المحليه من اجل اخذ راحتي بكثر الكلام )
لكن جت خيره ان شالله المهم ان الحجوزات ألغيت لان خوينا مديره رفض اجازته
بالوقت اللي حنا حاجزين:112:
فيه وصارت الرحله بالسياره يعني انواع التعب بس الحمد لله ، الله يسر الامر ومسكنا الخط
يوم الاربعاء 5/12/1426ه الظهر الساعه 12.30 وكان الخط طويل يجيب
الهم
تعرفون 1800 كيلو تقريبا وكان الخط اوله ممتع تعرف لزوم الوناسه رايحين لبنان
ونوصل المجمعه الامور زينه الى الحين ومنه للارطاويه ورفحا

وبدا واحد من الشباب كل شوي ( ينود )
يعني طاقه الهم من طول الطريق والله ونوصل عرعر ذابحنا الجوع شوي ونموت
ونوقف عند ذاك المطعم اللي مادري وش يبي بس الجوع له احكام
المهم مشينا الين وصلنا الحديثه

ومنها للاردن ومشت امورنا بسلام

ونمر مرور الكرام في الاردن الين وصلنا منفذ الاردن مع سوريا والامور الى الحين زينه
ونوصل لمنفذ سوريا الله لايعيد الشر كل واحد نمر عليه يشحذ يبي اكراميه الله لايوفقهم
واطلع من المنفذ وانا متنرفز ع الاخر:112: