نشر في شيكاغو

رحلتي الاسبوع القادم و محتاج نصايح ل أصحاب الخبره

ahmed-usa

18-02-2022 - 11:40 am

السلام عليكم ورحمة الله وبركاته
موعد سفرتي إن شاء الله الإسبوع القادم ..
لكن عندي كم إستفسار للي متعود يسآفر ....!!
أنا رايح ل 3 محطآت ( من جده الى لندن - شيكاغو - ماديسون )
رحله شاقه جداً , مثلا ايش احتاج اشيل معاي ...؟
الشنط بأشحنها من بدري عشان أرتاح منها .. لكن مثلا شنطه اليد ايش الاغراض
اللي ممكن أحتاجها للترفيه و اوراق رسميه لازم اشيلها غير الجواز و i20 ....؟
و كم احتاج مبلغ كآش تقريبا ..؟
أي معلومه يمكن تفيدني .. اللي يقرا الموضوع يقولي ايش الاغراض اللي شالها معاه
بشنطت اليد داخل الطياره ..
وشكرا لكم ..

التعليقات (9)

Impact

18-02-2022 - 03:15 pm

هلا ياغالي ,,
ممكن تشيل معك اللابتوب و كتاب ومشغل Mp3 اذا ودك
تكون معاك تواريخ ولادة الوالدة والوالد ومعلومات سكنهم علشان التسجيل !!
الكاش على حسب المدة الي انت جالسها لاكن ما تقدر تدخل اكثر من 10.000 دولار امريكي
والباقي بطاقة ائتمان لانها مهمة جداً في امريكا !!
اتمنى لك التوفيق

ahmad059

18-02-2022 - 04:16 pm

انتبه لا تجيب ادوية دون وصفة طبية

رحال عازب

18-02-2022 - 05:17 pm

كم فترة النزول بكل مطار.... وتحدد كم المبلغ اللي تشيله..... وخلاف الثبوتيات والتذاكر ماأظنك تحتاج تشيل شئ معك... ورمضان مبارك عليك والعزيز إمباكت

waleed8818

18-02-2022 - 06:18 pm

رحلات لندن وامريكا ما تقدر تشحن اغراضك الا قبل الرحلة ب 4 ساعات ( امريكا ) او 8 ساعات ( لندن واوروبا ) لان الموظفين الذين يعملون على تشيك الركاب مختصين فقط لهذة الرحلات لانهم يشيكون على التأشيرة واجراءاتهم تختلف عن بقية الاجراءت للرحلات الاخري , موفقين , , ,

ahmed-usa

18-02-2022 - 07:19 pm

impact
أشكر لك أخوي أمباكت على تواصلك معاي من استخراج الفيزا والمقابله
الى تجهيزات السفر ..
بالنسبه لتعليقك , أجيب فقط التواريخ بدون أوراق ثبوتيه , لأن الوالد و الوالده كبار في
السن و ما أعتقد ف أيامهم فيه أوراق ثبوتيه , الا اذا كنت تقصد صوره من كرت العائله و فيها مكتوب التواريخ
الشي الثاني : بطاقه الإئتمان اللي تقصدها , هل هي بطاقه الصراف الآلي ؟ أو بطاقه الفيزا ؟
علما بأني رح أفتح حساب في بنك أمريكي و رح أسحب كل مبلغ يتحول لي ع الحساب السعودي الى ا
لحساب الامريكي ( الدراسة على حسابي ) ..
وشكرا لك ..

ahmed-usa

18-02-2022 - 08:20 pm

ahmad059
معلومه جدا مهمه , أشكرك عليها أخوي وليد ..

ahmed-usa

18-02-2022 - 09:21 pm

رحال عازب
والله يآ أخوي الرحله جدا شاقه .. لكن الله يعين و يسهل ..
أشكرك و الشهر مبارك عليك يارب ..

ahmed-usa

18-02-2022 - 10:22 pm

waleed8818
ألف شكر على توآصلك ..
أنا أقصد بشحنها ع d.h.l قبل الرحله ب 5 أيام , وإنت الظآهر تقصد الشحن على نفس الرحله ..
إلا إذا كنت أنا فهمتك غلط ...؟؟

رحال عازب

18-02-2022 - 11:23 pm

ahmed-usa
أنا اللي أعرفه .. بعض خطوط الطيران تمنح سكن مجاني فترة التوقف بين الرحلات.. وأكررها بعض الخطوط مثل الإماراتيه... لكن دامك قلت من جدة مباشرة للندن ثم شيكاغو... فأظنك طالع البريطانيه.... وإسأل لو هم يمنحون سكن مجاني فترة التوقف

شيكاغو المسافرون العرب

رحلتي الاسبوع القادم و محتاج نصايح ل أصحاب الخبره