اول شي اتفق مع راعي تكسي او ليموزين حق طول المدة هناك
يعني حول مية دولار اليوم بس حللها
اطلع من الصبح او الظهر
الاماكن اللي لازم اتروحها هي
اولا بالنهار
روح المطاعم مانويلا ومنير والخ الله ماكثرهم هذا حق الغدا
وذا بتروح مانويلا روح تلفريك حريصة خوش منظر بس لاتنسى الكاميرا
روح مغارة جعيته انا ماكنت بروحلها احسها بايخة بس يوم رحت بالغصب استانست عليها بس حسافة ممنوع التصوير
وفي طبعا التسوق بالنهار الفردان وغيرها
بالليل
عندك السوليدير قهاوي وسعة صدر بس حرام انت بروحك
بس هم راح تستانس تفرج عالرايح والجاي
وعندك بعد الفردان بستاربكس هناك هم فرجة والمكان شرح
عندك مطعم اوتار ومطعم بساط الريح بالسوليدير
تمشى عالبحر
لازم اتخلي السايق يفرفرك ابرمانه وجونيه وصوفر وهالاماكن اللي بالليل الهوا يرد الروح
روح قلعة موسى او متحف الشمع
روح الجبل في جم منتجع حلوين هناك
روح جبيل وصيدا وشوف الاثار
بس نصيحة اذا انت اول مره اجر سايق مع سيارة عشان ماتتبهذل بالتكاسي

يا طويل العمر
أنا دائما في سفراتي اعتمد على السائق السياحي بالدرجة الأولى ليكون دليلي في السفر
وأشدد هنا على السائق السياحي الذي يعرف خبايا وخفايا البلد ,لذلك أنصحك بالتعاقد مع سائق
سياحي ليكون دليلك بالسفر , وسأعطيك رقم أحد السائقين الرائعيين الي اخذته من هذا المنتدى
الرائع وقد أعطاني إياه أحد الأعضاء هنا الله يجزاه خير على خدمته الجليله .
اسم السائق / زهير
الرقم / 009613581002
اتمنى لك التوفيق والسداد

اولا مساء الورد توي جاي اليوم الاحد الموافق 27/7/2008 من بيروت وكنت لوحدي كانت الفكره 15 يوم ولكن جلست 5 ايام فقط طبعا انا اروح الي بيروت دايما لوحدي استانس ولكن هذي المره ضاق صدري ورجعت بسرعه للاسباب التاليه
1-الفندق سكنتفي الهوليدي ان ديونز الي بالفردان بسعر 272 دولار واسطه بعد وانا كنت اخذه 120 دولار غالي صدمه صح:112:
2- انا لما اصحي اروح الي مطعم وقهوة اموري الي مقابل ستاربكس بالفردان من 5 العصر حتي7 المغرب وتحاسب من 35 دولار الي 45 دولار ولكن من 8 المساء الي 10 ماتلقي طاولات واذا لقيت راح يقولون لك ممني شارج 50 دولار واذا لوحدك واراح يقعدونك ابدا يبون اكثر من 2 حتي يستفيدو:112:
3- ارجع اريح في الفندق من 7 حتي 9 مساء وانزل علي السوليدير في مطاعم ماعندهم مشكله تجلس عادي وفي مطاعم لا حبيبي مني شارج 35 دولار واذا بروحك يقولون محجوزه:112: خاصه الي قدام روتانا كافيه اخلص ب12 مساء اروح حق الاوتار الي مقابل فنيسيا طبعا اكون حاجز بتلفون او ماتلقي لك مكان تحجز من المغرب والدخول ب10 دولار علي الشخص و10 فواكه اجباري او انك تتعشيوالشيشه ب10 دولار واجلس لحد 4 فجرا وارجع الاوتيلضايق صدري من الاستغلال:112:
ولكن اذا بتسكن اسكن في منطقة كسليك مره حلوه ورايقه وفي مطعم فيها حلو جنب المطعم اسمه خيمة سنيور واسعاره مره حلوه وكله لبنانين مافي خليجين والمطعم جنب الفنق مشي وقابلة شخص سعودي ساكن في الفندق ب65 دولار واحلا من الهوليدي ان صراحه وانت حر في الاختيار وخر عن الاماكن الي فيها خليجين وتستانس لان تخيل شكلك واقف عند كل مطعم ويقولون لك محجوز وفي اماكن قدامك يبون مجموعه وشكرا