حياك الله يا بو محمد
الميزانيه 17000$ لل38 يوم .. يعني 447 دولار باليوم للسكن والاكل والنشاطات والسياره والبانزين وللتسوق والطيران الداخلي وغيره ! بصراحه ماتكفي ، خاصه اذا قلنا تحتاج غرفتين بفندق لانكم 5 والمده طويله ،حتي لوغرفه واحده الميزانيه غير كافيه ( الغرفه في نيويورك وكذلك سان فرانسيسكو بحدود 300 بالليله وفي باقي المدن بحدود 250$ ، اليوم اللي بتروحون فيه مدينه ملاهي مثل دزني او اليونيفرسال بتكلفك التذاكر بحدود ال 400 دولار والأكل وغيره 200 دولار( يعني 600 دولار بيوم واحد علي الاقل وهذا اليوم بيتكرر 5 او 6 مراتب السفره )،، أجار السياره بحدود ال 50 دولار باليوم غير البانزين اللي بحدود 100 دولار كل 4 ايام

نصيحتي
تزيد الميزانية او تقلل المده
ممكن
نيويورك 3 ليالي
اخر يوم تاجر سياره تروح بالسياره هرشيز 3 ليالي ( بنص الطريق اكو مدينه ملاهي كبيره بمدينه ألن تاون تروحونلها وبالليل تكملون الي هرشيز) وبعد هرشيز تروحون بالسياره
بافالو نياقرا فولز 3 ليالي وبعدين تسلمون السياره بمطار بافالو وطيران الي
سان فرانسيسكو 4 ليالي واخر يوم تاجرون سياره وتروحون
سان دييغو 7 ليالي
لاس فيقاس 2 ليله
اخر محطه لوس انجلس

شكرا بوعزيز على التجاوب السريع
رأيكم يهمّني في جدول رحلتي خاصة ان هذه اول زياره لامريكا
في رايك يا بوعزيز كم اخلي الميزنيه و اي خط سير افضل
خط السير
1
نيويورك 2
هرشيز 3
واشنطون 3
لاس فيقاس 3
سان دييغو 9
اورنج 5
لوس انجلس 12
او
2
نيويورك 2
واشنطون 3
هرشيز 3
نياجرا 3
لوس انجلس 4
لاس فيقاس 2
سان دييغو 6
اورنج 5
لوس انجلس 9
او
3
نيويورك 3
اورلندو 11
لاس فيقاس 3
سان دييغو 9
لوس انجلس 11
الفنادق 3 نجوم مثل Best Western
اسعارها ممتازه
و في شقق و فلل في اورلاندو بسعر تقريبن 150$

المهم هنا هو المدة ( مجموع الايام ) مثل ما ذكر مشرفنا عزيز يجب ان يتناسب مع الميزانية المرصدة لأنه كل ما طالت المدة سيزيد الصرف ارجو لك التوفيق

السكن في اورلاندو رخيص لاكن اورلاندو بالصيف حر ورطوبه ومطر ...... هل تبي تحط اورلاندو بالجدول؟؟
فنادق بست وسترن او فنادق الثلاث نجوم رخيصه نوعا ما ..... لاكن هل بتاخذ غرفه او غرفتين؟
علي عدد الايام اللي انت حاطها اتوقع اقل ميزانيه 30 الف دولار
بالنسبه للمدن
الخيار الاول:
نيويورك 3
بالطياره اورلاندو 12
بالطياره لاس فيقاس 3
بالسياره سان دييغو 7
بالسياره لوس انجلس 12
او الخيار الثاني:
نيويورك 3
بالسياره واشنطن 3
بالسياره هرشيز 3
بالسياره نياقرا 3
بالطياره لاس فيقاس 3
بالسياره سان دييغو 7
بالسياره لوس انجلس 15

اذا الميزانيه ماتكفي خلك بالشرق ارخص

أخي أسماعيل .. ولاية فلوريدا في هذي الفترة حر و رطوبة..و بعدين تروحو للشرق ومن هناك للغرب طيران ما أقل من 6 ساعات واجد متعبة و انتو معاكم اطفال
أقتراحي لك انك تلغي فكرة الولايات الشرقية..و تاخذ من بلدك الاماراتية عن طريق دبي او الاتحاد عن طريق ابوظبي و مباشر للوس أنجلوس..و كل مدن الالعاب من ديزني لان و يونيفرسال ستوديو و ماجيك ماونتن موجودة في لوس انجلوس
و ال sea world موجود في سان دييغو..و غيرها الكثير من الاماكن السياحية الجميلة
انا شايف هلشكل احسن لك مما روح نيويورك ومنها لاورلاندو..و منها للوس انجلوس..تعب و تكلفة في تذاكر الطيران
و انشأالله الميزانية حتكفيك للمقترح اللي ذكرتو..لو عجبك هل مقترح اعطينا خبر عشان نشوف لك فنادق بأسعار معقولة
اتمنى لكم التوفيق