1. خط سير الرحله كان : ( الكويت > لندن > لوس انجلوس )


2. من تاريخ : 29 يونيو إلى 21 يوليو

السلام عليكم و رحمة الله و بركاته
هذا أول موضوع لي و حبيت احط لكم تقرير عن رحلتي الممتعه الى كاليفورنيا
من اجمل السفرات اللي مرت علي في حياتي و راح تشوفون الصور اللي راح احطها ان شالله شلون كانت حلوه
لابد من كل سفرة ايجابيات و سلبيات لكن الحمد لله السلبيات تعد عالاصابع و رحلتنا كانت موفقه بكل تفاصيلها بفضل من الله .
بداية كان التخطيط في الصيف جوله اوربيه مابين سويسرا و فرنسا و النمسا
لكن قدر الله ان نغير وجهتنا و نقرر الي امريكا
اخذنا موعد من السفاره الامريكيه و الحمد لله كان كل شي سهاله بالموعد اسئله بسيطه و خذوا جوازاتنا حق الفيزا
و وصلت الجوازات الى بيتنا بعد اسبوع تقريبا
في شهر 12 عام 2009 حجزنا التذاكر على الخطوط البريطانيه
لثلاث اشخاص ( أنا + زوجي + بنتي 3 سنوات )
و كان سعر التذاكر 1300 دينار كويتي

خط سير الرحله كان : ( الكويت > لندن > لوس انجلوس )

من تاريخ : 29 يونيو إلى 21 يوليو

بالنسبة للسكن احترنا بين منطقتين ( بفري هيلز ) و ( أناهايم ) و بتوفيق من الله اخترنا اناهايم و قعدنا فيها طول مدة سفرتنا وكان اختيار موفق الحمد لله لعدة اسباب منها : ان المنطقه هاديه و آمنه و فيها وايد عرب و مساجد و مطاعم عربيه و متاجر بيع لحوم الحلال أما بفري هيلز كلها يهود و هوم لس .
و بالنسبة للفندق كنا نبي مكان وسيع و فيه مطبخ و مكان هادي و آمن و اكيد سعره مناسب
سمعنا وايد عن سلسلة فنادق ماريوت و لما شفنا اسعارهم لقيناها جدا ممتازه ، فحجزنا بالانترنت على فندق ماريوت ريزيدينس ان وكانت تكلفة الفندق طوال الرحله 700 دينار كويتي
نظامه بيوت صغار طابقين فوق و تحت ، احنا اخذنا سويت مكون من غرفه كبيره فيها سرير رئيسي و حمام واسع جدا و مطبخ مجهز بالكامل كلشي فيه ماحتجنا شي زياده + صاله معيشه صغيره فيها تلفزيون بلازما و سوفا بيد راح اوريكم بالصور القادمه ان شالله .
أما السياره فأيضا احترنا و دورنا بمواقع وايد ، كانت اغلب السيارات غاليه و احنا نبي سياره راهيه لأننا عايلتين احنا و حماي و مرته وولده ، فاخترنا سياره ميني فان من شركة تأجير السيارات ألامو
لما وصلنا امريكا فاجأتنا الشركه بمفاجأه حلوه
راح تعرفونها بالجزء القادم مع الصور
تابعوني