1. هذي أول مشاركة لي في هذا المنتدى الرائع


2. المطاعم إلي موجوده بجانب فندق ميلينيوم:


3. ""مافي منطقه أحلى من منطقة باتونق بيتش في جزيرة بوكيت"


4. المطاعم بجانب فندق ميليسا:


5. كيفية الذهاب إلي بوكيت :

تحياتي

هذي أول مشاركة لي في هذا المنتدى الرائع

حبيت أفيدكم بالفندقين الحلوين إلى سكنت فيهم في بوكيت وإلي كانو حلوين وايد
طبعا أنا غامرت في هذي السفره وحجزت عن طرق الانترنت والصراحه أحسن بألف مليون مره من مكاتب السياحه عشان سعر النت أرخص بوايد من مكاتب السياحه، حجزت التذاكر من الكويت إلى تايلند والطيران الداخلي وجميع الفنادق
حجزت بفندق ميلينيوم بوكيت في منطقة باتونق بيتش وموقع الفندق إهبل لازق في مول حلو فيه كل شي وفي مركز مثل الجمعيات يبيعون فيه كل شي : (أكل، صابون، حقائب، فواكهه طبيعية روعه، وكلشي يخطر في بالكم) وأمام الفندق الشارع الرئيسي إلي فيه كل المحلات والمطاعم الروعه وطبعا، بس في ملاحظه مهمه الفندق مقسوم جزئين : lake side - sea side والصراحه إلي يبي اروح لازم يحجز في الجزء الثاني sea side لأن أمام هذا الجزء الشراع الرئيسي

المطاعم إلي موجوده بجانب فندق ميلينيوم:

المشكلة في تايلند نادر ما تلاقي مطاعم حلال، انا قعدت أدور مطاعم حلال وايد المهم لقيت مطعم كنتاكي في المول إلي بجانب الفندق وعنده صمون ربيان رهيب ، والشراع إلي أمام الفندق فيه مطاعم بحريه وايد وفي مطعم اسمه "الشرق" عجيب أكله روعه ولا أحلى كليت عندهم أم الربيان بصلصه بيضا وعندهم بعد مطبق سمك عجيب والحلو في هذا المطعم أنك تقدر تقولهم الأكله إلي في بالك ويسوونه لك .
فندق ميليسا :
هذا الفندق عجيب نظامه نظام شاليهات وكل شاليه داخله حمام سباحه خاص يعني مافي أحد اشوفك تقدر تلبس إلي تبيه ""يعني ممتاز حق العوايل، وحق المعاريس"" عندهم 3 انواع من الفلل
فلل بغرفة وحده ، وفلل كبيره بغرفه وحده، وفلل عوائل غرفتين "وكل أنواع الفلل فيها حمام سباحه خاص وصاله كبيره ومطبخ وحمام روعه، وطلنا منه أكل وصلوا لما عندنا بالفلا وكان الأكل روعه وسعر الأكل رخيص
بس نصيحه مني إلي يبي يقعد في هذا الفندق لا يقعد أكثر من ليلتين عشان منطقته مو حيوية نفس باتونق بيتش
بس هذا الفندق عيبه ان اهو في منطقه كاتا بيتش هذي المنطقه نفس المناطق الثانيه مافيها محلات وايد بس اهو الفندق الوحيد إلي أمامه مجموعة محلات مفيده حقك،

""مافي منطقه أحلى من منطقة باتونق بيتش في جزيرة بوكيت"

المطاعم بجانب فندق ميليسا:

في مطعم هندي روعه اسمه "دبي" عنده حمسة ربيان اتجن ، وربيان بالبقسمااط عجيب، والبرياني عندهم حده حلو، هذا المطعم الوحيد القريب من الفندق كلينه منه 3 ايام متواصله غدا وعشا عشان اهو المطعم الحلال الوحيد القريب
في محل قريب من فندق ميليسا ي}جر سيكل "دراجة نارية" موديلات جديده ونظيف وراقي وأجاره في اليوم 250 بات "أي 2 دينار كويتي" رخيص حده

• لأخذ المعلومه أحسن طريقة للمواصلات هناك إما تأجير سيكل أو المشي لأن التوك توك غالي والتاكسي غالي ومن أول ما يشوفون سواح يغلون السعر
• فنادق أخرى في بوكيت:

في فندق عائلي جميل موجود في منطقة باتونق بيتش بجانب فندق ميلينيوم اسمه هوليدي انن عنده أجنحه عائليه فيها ألعاب للأطفال وأسرتهم على أشكال حلو مثل سفن وسيارات يعني جميل للعوائل إلي عندهم أطفال،، وهذا الفندق عنده نادي للأطفال وأمان جدا، والصراحه أنصح فيه حق إلي عندهم أطفال، وهذا الفندق أيضا أمامه الشراع الرئيسي إلي فيه كل المحلات والمطاعم
الرحلات الداخلية في بوكيت :

• ملاحظه هامه الرحلات الداخليه يفضل حجزها من الأكشاك إلي في الشوارع لأنها أرخص بكثير من الفندق وتستطيع مكاسرة صاحب الكشك أما الفندق لأ ، والرحلات نفسها ما تختلف أبدا

أنا شخصيا رحت ثلاث رحلات :

• رحلة إلى جزيرو فيفي
• رحلة إلى جزيرة جيمس بوند
• رحلة إلى عرض فانتاسي

الرحلات كلها حلو بس انا الصراحه عجبتي الرحلة إلى جزيرة جيمس بوند أكثر من فيفي
وطبعا الرحلات البحرية سعرها يشمل المواصلات من وإلى الفندق الغداء على سطح الطراد وعصاير و فواكهه فرش عجيبه ومترجم للغه الانجليزيه
الرحلة إلى عرض فانتاسي حلوه وانا انصح إلي يبي اروح هذي الرحله الدخول مبكرا لأن هناك يوجد العديد من الأماكن التي تستحق التصوير بالإضافه إلى وجود نمور وفيله والممثلين بأثوابهم التقليديه للتصوير معهم
وكان هناك رحلات أخرى بس لم أذهب إليها للأسف
في رحلات سفاري يوم من الصبح إلى العصر ونص يوم مدة 4 ساعات

• نصيحه مني لا تحجز رحلتين بحريه في يومين وراه بعض لأن الرحله البحريه تبدي من الصبح الساعه 8 لما الساعه 5 العصر

كيفية الذهاب إلي بوكيت :

في رحلات مباشره دولية إلي بوكيت على حسب الخطوط الجويه، وفي رحلات داخليه خصوصا إلي يبي يروح لأكثر من منطقه في تايلند وأحسن وأوفر طريقة هي طيران airasia أنا حجزت فيها أكثر من مره وشعره أرخص بوايد من الخطوط التايلنديه والماليزيه "هذا الطيران مخصص لدول شرق أسيا" وحجزت فيها عن طرق الانترنت وطريقته سهله جدا بس أهم شيء تاخذ معاك أوراق الحجز من الموقع أي تطبع صفحة الحجوزات
انشالله أفدتكم وإذا تبون أي استفسار قولولي
تحياتي وسلامي
لورا